Հայաստանի ԱԻՆ-ը տեղեկացնում է, որ Սևանի թերակղզուց մինչևԴիլիջանի թունել ճանապարհահատվածում բուք է։
Համաձայն գերատեսչության՝ ուրբաթ առավոտվանից Գորիս - Սիսիան, Արթիկ - Արագած, Վեդի - Լանջառ, Սիսիանի “Զանգեր” ճանապարհահատվածներում, ինչպես նաև Ջերմուկի ավտոճանապարհներին, Սարավանի և Վարդենյաց լեռնանցքներում տեղ-տեղ մերկասառույց է:
Բքի և անբավարար տեսանելիության պատճառով փակ է Վարդենյաց լեռնանցքը:
Նախարարությունում նշել են, որ համապատասխան ծառայությունները կատարում են ճանապարհների մաքրման և աղով, ավազով մշակման աշխատանքներ:
Միջպետական և հանրապետական նշանակության մյուս ավտոճանապարհները բաց են: