Բավ է պառակտվել
01-02-2021 11:16

Մեդվեդևը գնահատել է Ռուսաստանն ինտերնետից անջատելու և Runet-ի ինքնավար գործունեությունն ապահովելու հնարավորությունը

Ռուսաստանն ունի ինտերնետի ռուսական հատվածի ինքնավար գործունեությունն ապահովելու տեխնիկական հնարավորություններ, բայց ոչ ոք չի ցանկանում հասցնել նման ծայրահեղությունների: Այս մասին հայտարարել է ՌԴ Անվտանգության խորհրդի ղեկավարի տեղակալ Դմիտրի Մեդվեդևը ռուսական լրատվամիջոցներին տված հարցազրույցում:

«Տեխնոլոգիապես ամեն ինչ պատրաստ է սրա համար: Օրենսդրական մակարդակում նույնպես բոլոր որոշումներն ընդունվել են: Բայց մեկ անգամ ևս շեշտում եմ. դա հեշտ չէ, և իսկապես ցանկալի չէ», - ասել է նա:

Մեդվեդևը խոստովանել է, որ ինտերնետի ռուսական հատվածի մեկուսացումը պարզապես պահուստային տարբերակ է ծայրահեղ դեպքում, եթե Ռուսաստանն անջատեն համաշխարհային ցանցից:

«Իհարկե, մենք ունենք ծրագիր, թե ինչպես վարվել նման իրավիճակում: Ինտերնետն, ինչպես գիտեք, ստեղծվել է որոշակի ժամանակ, և, անկասկած, կառավարման հիմնական իրավունքները [գտնվում են] Ամերիկայի Միացյալ Նահանգներում: Այնպես որ, հնարավոր է, եթե ինչ-որ արտառոց բան պատահի, եթե ինչ-որ մեկը խելքը վերջնականապես չկորցնի, դա կարող է պատահել: Հենց այն պատճառով, որ այս արկղիկի բանալին դրսում է», - ասաց նա:

Քաղաքական գործիչը հիշեցրել է տեղեկատվությունը փոխանցելու և SWIFT վճարումներ կատարելու միջազգային միջբանկային համակարգից Ռուսաստանն անջատելու մասին անվերջ խոսակցությունները:

«Անընդհատ վախեցնում են մեզ սրանով: Մենք նույնիսկ ստիպված էինք ստեղծել տեղեկատվության փոխանցման մեր համակարգը, եթե հանկարծ դա պատահի, որպեսզի կարողանանք էլեկտրոնային հաղորդագրություններ փոխանակել: Նույնը կարող է պատահել ինտերնետի հետ, և այդ ժամանակ մենք այլևս հասանելիություն չենք ունենա այս ցանցի հիմնական հանգույցներին», - ասել է Անվտանգության խորհրդի ղեկավարի տեղակալը:

Առանց վերահսկողության չթողնելու համար

Մեդվեդևը բացատրել է, որ նտերնետի ռուսական հատվածի մասին օրենքն ընդունվել է այնպես, որ այն հնարավոր լինի ինքնավար կառավարել, «քանի որ ամբողջ պետության կառավարմումը, հսկայական քանակությամբ սոցիալական գործառույթների հասանելիությունն այժմ իրականացվում է համացանցի միջոցով»։

«Մենք չէինք կարող դա թողնել առանց վերահսկողության: Այդ պատճառով կա այդպիսի օրենք, և, եթե պահանջվի՝ այն ուժի մեջ կմտնի», - վստահեցրել է նա:
Այնուամենայնիվ, Անվտանգության խորհրդի ղեկավարի տեղակալը կոչ է արել իրատես լինել և հասկանալ, որ Ռունեթի առանձնացումը մեծ խնդիրներ կստեղծի:

«Այն վերակարգավորելու համար որոշ ժամանակ կպահանջվի: Բայց սկզբունքորեն ցանցի ռուսական հատվածի ինքնավարությունը կարող է վերականգնվել կամ ստեղծվել», - ասել է Մեդվեդևը:

Քաղաքական գործիչը շեշտել է, որ իրավիճակի ծայրահեղ զարգացման նշաններ չի տեսնում:

«Հասկանալի պատճառներով սա երկսայր զենք է: Նախ, սա կարող է հանգեցնել որոշակի գործողությունների մեր կողմից: Երկրորդ, մեր ընկերները՝ և՛ իրական, և՛ չակերտավոր, այնուամենայնիվ ակտիվորեն օգտագործում են ինտերնետը, այդ թվում նաև սեփական դիրքորոշումը տեղ հասցնելու համար: Դա նշանակում է պարզապես հրաժարվել այս դիրքորոշումը տարածելուց: Մեզ մոտ գործում են բոլոր սոցիալական ցանցերը, մենք նոր խոսեցինք այս մասին, ոչ մեկին չենք արգելափակել և չենք դանդաղեցրել», - պարզաբանել է նա:

Մեդվեդևը նշել է Չինաստանի փորձը, որտեղ աշխարհի սոցիալական ցանցերը փոխարինվել են չինականով, որը նույնպես ունի հսկայական թվով օգտատերեր:

«Եվ նրանք շատ թեթև են դրան վերաբերվում, շփվում են իրենց սոցիալական ցանցերում: Չինաստան ժամանելիս տեսնում ես, որ սեփական սոցիալական ցանցերն աշխատում են։ Ինչո՞ւ։ Որովհետև հեռախոսի քարտը ռուսական է, իսկ երբ, օրինակ՝ միացնում ես հյուրանոցի ինտերնետը, Wi-Fi- ը՝ չեն աշխատում: Քանի որ այդ ամենը արգելափակված է, դա firewall է», - եզրափակել է նա:

Իշխանությունները հրահանգել են Հայաստանում անջատել ինտերնետն ու բջջային հեռախոսակապը
Հայաստանն Անդրկովկասում Ռուսաստանի առանցքային դաշնակիցն ու գործընկերն է․ ՌԴ ԳՇ պետ
Հայաստանում արական սեռի քաղաքացիներին անձնագրերը կտրամադրվեն մինչև 19 տարեկանը վավերականության ժամկետով․ կառավարության որոշում
Երևանում կանցկացվի Հայ-ռուսական միջտարածաշրջանային 8-րդ ֆորումը
«Կոչ ենք անում Հայաստանին և Ադրբեջանին փոխանակել ռազմագերիներին և ականապատված տարածքների քարտեզները»․ Զախարովա