Բավ է պառակտվել
21-05-2021 14:32

Սև լճի մերձակայքում վիճաբանություն է եղել հայ և ադրբեջանցի զինվորականների միջև, միջամտել է հրամանատարությունը

Մայիսի 12-ին և 13-ին Ադրբեջանի ԶՈՒ կողմից հայ-ադրբեջանական սահմանին իրականացված սադրանքներից հետո ստեղծված իրադրությունը, մայիսի 21-ի կեսօրի դրությամբ, էական փոփոխություններ չի կրել, ահյտնում է ՀՀ ՊՆ մամլո ծառայությունը։

Նշվում է, որ մայիսի 20-ի երեկոյան, հայկական և ադրբեջանական սոցիալական ցանցերում և լրատվամիջոցներով տարածվող՝ հայ և ադրբեջանցի զինվորականների մասնակցությամբ տեսանյութերի պատճառաբանությամբ, Սև լճի մերձակայքում, տեղի է ունեցել վիճաբանություն, որը հարթվել է վերադաս հրամանատարության ջանքերով։

«ՀՀ պաշտպանության նախարարությունը հորդորում է ձեռնպահ մնալ նմանատիպ տեսանյութերի տարածումից։ Դրանք որևէ կերպ չեն օգնում խնդրի խաղաղ հանգուցալուծմանը՝ նպաստելով լարվածության անհարկի ավելացմանը»,- ասվում է հայտարարությունում։
Ընդհանուր առմամբ, նշում են նախարարությունում, իրավիճակը կայուն է։ Հայկական ԶՈՒ ստորաբաժանումները լիարժեք վերահսկում են իրադրությունը՝ շարունակելով արգելափակված պահել ադրբեջանցի զինվորականներին։

Ադրբեջանցի դիպուկահարի կրակոցից զինվոր է վիրավորվել
Հայաստանում դատարանի միջոցով պահանջում են հանել Փաշինյանի կուսակցությունը խորհրդարանական ընտրություններից
Թաթոյանն անդրադարձել է Փաշինյանի կողմից մուրճ թափահարելուն և հանրահավաքներում քաղաքացիների հասցեին սպառնալիքներ հնչեցնելուն
Սերժ Սարգսյանի եղբորորդին՝ Նարեկ Սարգսյանը դատապարտվեց 5,5 տարվա ազատազրկման
Հայաստանի ոստիկանությունը հայտնել է, որ քարոզարշավի ընթացքում արձանագրվել է ընտրախախտումների 92 դեպք