ՀՀ պաշտպանության նախարար Սեյրան Օհանյանը, այսօր լրագրողների հետ զրույցում անդրադառնալով սահմանային իրադրությանը, ասաց, որ իրավիճակը համեմատաբար հանգիստ է, իսկ կրակոցները վերջին շրջանում պակասել են:
«Կրակոցներ կան, խախտումներ լինում են մեր հարևանների կողմից: Մենք անկանոն կրակոցներին չենք պատասխանում»,– ասաց նախարարը՝ ավելացնելով, որ փորձում են այնպես անել, որպեսզի լարվածություն չլինի։
Պատասխանելով հարցին, թե արդյոք իրավիճակը կարելի է համարել հանգստություն փոթորկից առաջ, Սեյրան Օհանյանն ասաց, որ հայկական զինուժը միշտ էլ պատրաստ է դիմագրավել ցանկացած գործողության։