Բավ է պառակտվել
22-10-2020 14:30

«Մենք խաղաղություն ենք ուզում». արցախցի կանայք բողոքի ակցիա են անցկացնում ՀՀ-ում ԱՄՆ դեսպանատան մոտ

Երևանում ժամանակավորապես ապրող արցախցի կանայք բողոքի ակցիա են իրականացնում ՀՀ-ում ԱՄՆ դեսպանատան դիմաց և հանդիպում պահանջում դեսպան Լին Թրեյսիի հետ:
Նրանք միջազգային հանրությունից պահանջում են համարժեք արձագանք տալ Արցախում թուրք-ադրբեջանաահաբեկչական ագրեսիային:
«ԱՄՆ-ից պահանջում ենք, որպես ՆԱՏՕ-ի անդամ, սանկցիաներ կիրառել Թուրքիայի դեմ և վերջ դնել Թուրքիայի մասնակցությանը ղարաբաղա-ադրբեջանական հակամարտության գործընթացին: Նաև որպես ԵԱՀԿ Մինսկի խմբի համանախագահ՝ միջամտի կոնֆլիկտի խաղաղ կարգավորմանը: Ցանկանում ենք, որ ԱՄՆ դեսպանը լսի մեզ, որպեսզի սեպտեմբերի 11-ը չկրկնվի նաև Արցախում»,- նշեց նա:
Արցախցի կանանցից մեկն էլ նկատեց, որ Թուրքիայի միջամտությունը ղարաբաղյան կոնֆլիկտին տեղի է ունենում Ամերիկայի հանցավոր լռության պայմաններում։ «Ամերիկյան վերլուծական կայքերում են տեղեկություններ հաստատվում, և այսօր մեր պաստառների վրա էլ կարող եք տեսնել ամերիկյան զինատեսակների մասին, որոնք վաճառվել են Թուրքիային և որոնք կիրառվել են Արցախի և Հայաստանի դեմ։ Խնդիրն այն է, որ, Ամերիկայի զենքի մասին օրենսդրության համաձայն, ամերիկյան որևէ զինատեսակ առանց Ամերիկայի համաձայնության իրավունք չունի հայտնվել մեկ այլ երկրի տարածքում»։
Ակցիայի մասնակիցը նշեց՝ ԱՄՆ-ում գիտեն այդ զինատեսակների կիրառման մասին և լուռ համաձայնում են։ «Այդ զինատեսակները, օգտագործելով խաղաղ բնակչության դեմ, ավերելով մեր տները, մեր քույրերին և եղբայրներին սպանելով, ամերիկյան օրենսդրություն են խախտում: Սա իրենք շատ լավ գիտեն և լուռ համաձայնում են այս ամենին»։


Նախաձեռնող խմբի անդամ Արմինե Մելքոնյանն էլ հայտարարեց, որ Ադրբեջանն ու Թուրքիան խաղաղ բնակչության դեմ կիրառում են նաև ամերիկյան զինատեսակներ, ինչն անթույլատրելի է: Նրա խոսքով՝ ժամանակն է, որ ԱՄՆ-ը ստանձնի իր դերակատարությունն այս տարածաշրջանում և կանխի ահաբեկչությունը: 
ԱՄՆ դեսպանության ներկայացուցիչն ընդառաջ եկավ ակցիայի մասնակիցներին և առաջարկեց երեք կանանց մտնել շենք, հանդիպել դեսպանի հետ և հանձնել պահանջագիր-նամակը:  
Արցախցի կանայք Ամերիկայի Միացյալ Նահանգների դեսպանատան մոտ իրենց բողոքի ակցիան ավարտեցին՝ երգելով «Իմ սեր Արցախ» երգը։
Հիշեցնենք, որ արցախցի կանայք օրեր առաջ բողոքի ակցիա էին կազմակերպել նաև Հայաստանում ՄԱԿ-ի գրասենյակի առջև՝ հանդիպում պահանջելով ՄԱԿ-ի հայաստանյան ներկայացուցչի հետ։

Արմինե Գևորգյան

Դադարե՛ք անտեսել, ճանաչե՛ք Արցախի անկախությունը.ԱՄՆ դեսապանատան դիմաց բողոքի ակցիա է ընթանում
Ժամկետային զինծառայողների ծնողները բողոքի ակցիա են անցկացնում նրանց Արցախ ուղարկելու դեմ (տեսանյութ)
ՌԴ մի խումբ քաղաքացիներ դեսպանից պահանջում են լուծել իրենց խնդիրը․ անժամկետ բողոքի ակցիա ՌԴ դեսպանատան դիմաց
Հայաստանը ՄԱԿ-ի անդամ է 1992 թվականից։ Եվ մենք անդամավճար ենք վճարում ձեզ, գրողը տանի
«Թուրք Նիկոլ»․ բողոքի ակցիա Մոսկվայում ՀՀ դեսպանատան մոտ (տեսանյութ)