Աշխատանքային միգրանտները կարող են աշխատանքի արտոնագիր ստանալ մինչև դեկտեմբերի 31-ն՝ առանց հաշվի առնելու դրա գրանցման փաստաթղթերի ներկայացման վերջնաժամկետին և այցի հայտարարված նպատակին ներկայացվող պահանջները։ Մոսկվայում նրանք կարող են ամեն օր համապատասխան հայտարարությամբ դիմել ԲՄԿ, հայտնել են ՏԱՍՍ-ին Ռուսաստանի ՆԳՆ Մոսկվայի գլխավոր վարչության մամլո ծառայությունից։
Վարչությունից հիշեցրել են, որ այս տարվա դեկտեմբերի 31-ին լրանում է կորոնավիրուսի համաճարակի պատճառով օտարերկրյա քաղաքացիներին ժամանակավոր զիջումների մասին նախագահի հրամանագրի ժամկետը, որը թույլ է տալիս կարգավորել իրենց իրավական կարգավիճակը՝ առանց երկրից դուրս գալու օրինական կերպով աշխատելու նպատակով։
«Խնդրում ենք նկատի ունենալ, որ մինչև այդ ամսաթիվը դուք իրավունք ունեք դիմել Մոսկվա քաղաքի տարածքում աշխատելու իրավունքի արտոնագրի տրամադրման (երկարաձգման) համար՝ առանց հաշվի առնելու գրանցման համար փաստաթղթերի ներկայացման վերջնաժամկետին և Ռուսաստանի Դաշնություն այցի հայտարարված նպատակին ներկայացվող պահանջները»,-ասել են մամուլի ծառայությունում։
Հայտերն ընդունվում են բազմաֆունկցիոնալ միգրացիոն կենտրոնում ամեն օր Մոսկվայի ժամանակով ժամը 08:00-20:00-ն:
Ավելի վաղ ՌԴ ՆԳՆ մամուլի կենտրոնից ՏԱՍՍ-ին հայտնել էին, որ հունվարի 1-ից օտարերկրյա քաղաքացիներին կարող են արտաքսել Ռուսաստանի Դաշնությունից ապօրինի աշխատանքի համար, իսկ գործատուները՝ նման աշխատողներ վարձելու համար կարող են տուգանվել մինչև 800 հազար ռուբլի յուրաքանչյուր անձի համար։