44-օրյա պատերազմից անմիջապես հետո բարեգործներ Միքայել և Կարեն Վարդանյանների նախաձեռնությամբ մեկնարկեց կենսական նշանակության բարեգործական ծրագիր:
Հայաստանի ամբողջ տարածքից ընտրվեց սոցիալապես անապահով 150 ընտանիք, որոնք տարիներ շարունակ չէին կարողանում երեխա ունենալ, և միակ ճանապարհը արտամարմնային բեղմնավորումն էր:
Ծրագրի մեկնարկից 10 ամիս անց շատ ընտանիքների կյանքը վերաիմաստավորվեց: 45 զույգ արդեն սպասում է ապագա երեխայի լույս աշխարհ գալուն: Մնացածը բուժման և հետազոտման տարբեր փուլերում են:
Անպտղության հաղթահարման ծրագրի իրականացման համար բարերարները հատկացրել են 300 մլն դրամ: