հաղթելուենք
24-08-2020 19:06

Հայաստանում տղամարդը նախ առևանգել է նախկին ընկերուհուն, ապա փախել դատարանից՝ դուրս ցատկելով պատուհանից

Հայաստանում 37-ամյա տղամարդը առևանգել է նախկին ընկերուհուն, իսկ դատական քննության ժամանակ դիմել է փախուստի դատարանի դահլիճից: Այս մասին հայտնում են Քննչական կոմիտեի մամլո ծառայությունից:

Հայտարարությունում նշվում է, որ օգոստոսի 13-ին, ժամը 10:30-ի սահմաններում, Դիլիջանի 37-ամյա բնակիչն իր նախկին ընկերուհուն՝ Հրազդան քաղաքի 43-ամյա բնակչուհուն առևանգելու շուրջ նախնական համաձայնության գալով դեռևս ինքնությունը չպարզված անձի հետ, վերջինիս վարած «Օպել» մակնիշի ավտոմեքենայով գնացել է նախկին ընկերուհու աշխատավայր: Տղամարդը պահանջել է, որ կինը շարունակի շփվել իր հետ որպես ընկերուհի, բայց վերջինս հրաժարվել է:

Տղամարդը նախ վիճաբանել է կնոջ հետ, այնուհետև վերջինիս առողջության համար վտանգավոր բռնություն գործադրելով քարշ տալով նստեցրել է նրան ավտոմեքենան։ Տղամարդու պահանջով ավտոմեքենայի վարորդը վարել է մեքենան դեպի Սևանա լճի ափ, սակայն ժամը 20:00–ի սահմաններում թեթև վնասվածքներ ստացած կնոջը հաջողվել է համոզել նախկին ընկերոջը և վերադառնալ տուն։

Ձեռք բերված բավարար ապացույցների համակցությամբ՝ 37-ամյա քաղաքացուն մեղադրանք է առաջադրվել ՀՀ քրեական օրենսգրքի մարդուն առևանգելու համար հոդվածով միջնորդություն է ներկայացվել դատարան՝ նրա նկատմամաբ կալանավորումը որպես խափանման միջոց կիրառելու վերաբերյալ:

Օգոստոսի 20-ին Կոտայքի ընդհանուր իրավասության դատարանը բավարարել է ձերբակալության միջնորդությունը, սակայն մինչ ոստիկանության աշխատակիցների ժամանումը, կալանավորը, կարգադրիչի և պաշտպանի ներկայությամբ, դատարանի դահլիճի բաց պատուհանից ցած նետվելու միջոցով դիմել է փախուստի:

Նույն օրը մեղադրյալն ինքնակամ ներկայացել է ոստիկանության Դիլիջանի բաժին, որտեղից տեղափոխվել է «Հրազդան» քրեակատարողական հիմնարկ: Նախաքննությունը շարունակվում է:

Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

“Իմ քայլը” դաշինքը սկսում է ՍԴ անդամ Հրայր Թովմասյանի լիազորությունները դադարեցնելու գործընթացը
Մինչև իմ նախագահ լինելը ՀՀ-ն դասվում էր աղքատ երկրների ցանկում․Ռոբերտ Քոչարյան
Հայաստանի խորհրդարանը սկսել է ՍԴ նախագահին լիազորություններից զրկելու նախաձեռնության քննարկումը
Թուրքիայի F-16 կործանիչի կողմից խոցվել է ՀՀ ԶՈւ ՍՈւ-25 գրոհիչ
Թուրքիան և Ադրբեջանը փաստում են, որ իրենց իրական թիրախը հայ ժողովուրդն է (լուսանկար)