Մոսկվայի հյուսիսում գտնվող դպրոցներից մեկում հրդեհ է բռնկվել. հրդեհաշիջման աշխատանքներով զբաղվել են արտակարգ իրավիճակների ծառայության աշխատակիցները: Այդ մասին հաղորդել են մայրաքաղաքի իրավապահ մարմինները:
Հրդեհը բռնկվել է Ավանգարդնայա փողոցում գտնվող դպրոցում:
«Դեպքի վայր ժամանած մասնագետները պարզել են, որ դպրոցի երրորդ հարկում էլեկտրական լարերի կարճ միացում է տեղի ունեցել», - հայտնել է աղբյուրը:
Նշվում է, որ դպրոցից 720 երեխա և 30 մեծահասակ է տարհանվել: Միջադեպի հետևանքով տուժածներ չկան: