Չորեքշաբթի վերսկսվել են Օպերային թատրոնի մոտակայքում գտնվող սրճարանների ապամոնտաժման աշխատանքները։
Դա հանգեցրել է անողոք բախումների ոստիկանության ներկայացուցիչների և սրճարանների աշխատակիցների միջև։ Այս պահին ցուցարարները փորձում են արգելափակել Մաշտոցի պողոտան։ Նրանցից մեկի ինքնազգացողությունը վատացել է։
Չորեքշաբթի օրը սկսված Օպերային թատրոնի հարևանությամբ գտնվող սրճարանների ապամոնտաժումը հարուցել է սեփականատերերի դժգոհությունը, ինչը հանգեցրել է բախումների իրավապահ մարմինների ներկայացուցիչների հետ։ Սրճարանների սեփականատերերը և մենեջերները լրագրողներին ասել են, որ ապամոնտաժման արդյունքում շուրջ 300 մարդ կարող է գործազուրկ դառնալ։ Ապամոնտաժման աշխատանքները կանխելու նպատակով սրճարանների աշխատակիցները կտրել են էլեկտրական լարերը:
Երեկոյան քաղաքապետարանում կայացել է սեփականատերերի հանդիպումը քաղաքային իշխանությունների ներկայացուցիչների և ավագանու անդամների հետ։
Ավելի վաղ քաղաքապետարանը հայտարարել էր Ա.Սպենդիարյանի անվան օպերայի և բալետի ազգային ակադեմիական թատրոնի շրջակայքում գտնվող բոլոր սրճարանները և ռեստորանները լիկվիդացնելու մտադրության մասին՝ այնտեղ “կանաչ գոտին” վերականգնելու նպատակով:
Մասնավորապես, օպերային թատրոնի շրջակայքում, Ազատության հրապարակին հարող տարածքները վարձակալած տնտեսվարող սուբյեկտները ծանուցումներ են ստացել քաղաքապետարանի համապատասխան բաժնից: