Հայաստանի Զինված ուժերի գլխավոր շտաբի պետ, գեներալ-լեյտենանտ Արտակ Դավթյանը երկուշաբթի աշխատանքային խորհրդակցություն է անցկացրել ՀՀ զինված ուժերի գլխավոր շտաբի ղեկավար կազմի հետ, հայտնում է ՀՀ ՊՆ մամլո ծառայությունը։
Դավթյանը ներկայացրել է հայ-ադրբեջանական սահմանին տիրող իրավիճակը, հանձնարարել հատուկ ուշադրություն դարձնել զինված ուժերի մարտունակության բարձրացման, ձմեռային պայմաններում ծառայության կազմակերպման ընթացիկ խնդիրներին և ձմեռային զորակոչին վերաբերող հարցերին։
Նա անդրադարձել է նաև պահեստազորայինների եռամսյա ուսումնամարզական հավաքներին՝ բարձր գնահատելով դրանց ընթացքն ու արդյունքները։
Հանդիպման ավարտին ԶՈՒ գլխավոր շտաբի պետն ըստ առաջնահերթությունների խնդիրներ է առաջադրել համապատասխան ստորաբաժանումների ղեկավարներին։