Բա՛վ է պառակտվել
25-02-2020 16:10

Մեկնարկեց ՀՀ երրորդ նախագահ Սերժ Սարգսյանի դատական առաջին նիստը

Երևանի առաջին ատյանի ընդհանուր իրավասության դատարանում՝ դատավոր Վահե Միսակյանի գլխավորությամբ մեկնարկեց ՀՀ երրորդ նախագահ, ՀՀԿ նախագահ Սերժ Սարգսյանի և մյուսների դատական գործով առաջին նիստը։ Դատարան էր ժամանել Սերժ Սարգսյանը, որ կանգ առավ դատարանի առջև և կոչով դիմեց հավաքվածներին՝ կոչ անելով գնալ տուն:
«Սիրելի ընկերներ, սիրելի աջակիցներ, շնորհակալ եմ, որ եկել եք ինձ սատարելու, իսկ մեծ հաշվով եկել եք պաշտպանելու արդարադատությունը»,- ասաց Սարգսյանը՝ խնդրելով ցուցարարներին՝ իր երախագիտությունը հայտնել իրենց մերձավորներին, հարազատներին, որոնք չեն փորձել նրանք համոզել այս անբարենպաստ եղանակին մնալ տանը. «Ինչպես ասում են՝ շառ ու փորձանքից հեռու»,- հավելեց ամբաստանյալ Սարգսյանը
Սարգսյանը ասաց, որ իր համար առաջնայինը Արցախի անվտանգությունն է, և դա իր կյանքի իմաստն է: Նա նաև խոսեց իր դեմ հարուցված գործի վերաբերյալ՝ ասելով, որ այն շինծու է։ 
« Հույս կա, որ Հայաստանում դեռեւս կան դատավորներ, որոնց համար արդարադատությունը վեր է ամեն ինչից, ուղիղ այնպես, ինչպես ինձ համար, ձեզ համար, հայ ժողովրդի մեծամասնության համար ԼՂ անկախությունը վեր է ամեն ինչից, խնդրում եմ վերադառնալ տուն, զբաղվել ձեր առօրյա հոգսերով՝ չմոռանալով երբեք ՀՀ անվտանգության մասին»,–ասաց Սերժ Սարգսյանը: 
Այնուհետև ՀՀ 3-րդ նախագահը նշեց,որ աշխարհի ամենաբարձր ամբիոններից պարբերաբար հայտարարել է ու հիմա էլ կրկնում է ,որ ԼՂ-ն երբեք չի լինելու Ադրբեջանի կազմում։
«Սա եղել է իմ կյանքի գերագույն նպատակը, այն ինձ ուղեկցելու է մինչեւ վերջ, եւ ամենուր»,- ասաց նա՝ եւս մեկ անգամ շնորհակալություն հայտնելով իր աջակիցներին:

 

 

Արմինե Գևորգյան

«Եկել եմ աջակցելու թուրքին ծնկի բերած մեր հերոսին․․ Շարմազանով
Սերժ Սարգսյանին կարող են հրավիրել 2016թ Ապրիլյան պատերազմի քննիչ հանձնաժողովի նիստին
Երևանում մեկնարկեց ՀԱՊԿ խորհրդարանական վեհաժողովի խորհրդի նիստը
Սերժ Սարգսյանը ծանր է տարել Գեորգի Կուտոյանի մահվան լուրը
Սա Հայաստանի Հանրապետության պատմության մեջ ամենախայտառակ քրեական գործն է։ Ռոբերտ Քոչարյան