Երևանի «Մալաթիա» տոնավաճառի առևտրի օբյեկտների վաճառողներն ու սեփականատերերն այսօր դուրս են եկել փողոց՝ բողոքելով դրա փակման դեմ։
Ցուցարարները պնդում են, որ հակահրդեհային անվտանգության բոլոր աշխատանքները կարող էին իրականացվել շուկայի բնականոն գործունեությանը զուգահեռ։ Առևտրականներից ոմանք նշեցին, որ տոնավաճառում աշխատանքն իրենց եկամտի միակ աղբյուրն է, ուստի պայքարը կշարունակեն այնքան ժամանակ, մինչև իրենց սոցիալական խնդիրները չլուծվեն։
Օրերս ՀՀ քաղաքաշինական, տեխնիկական և հրդեհային անվտանգության տեսչությունը որոշեց ժամանակավորապես դադարեցնել այս տոնավաճառի (մայրաքաղաքի ամենամեծերից մեկը, որը գտնվում է քաղաքի հարավ-արևմուտքում), քանի որ ստուգմամբ հայտնաբերվել են հրդեհային անվտանգության խախտումներ։
Չնայած տնօրինության հավաստիացումներին, որ խախտումների մեծ մասը կվերացվի, այնուամենայնիվ, երկրորդ ստուգումից հետո կարգավորիչը որոշեց փետրվարի 1-ից ժամանակավորապես դադարեցնել տոնավաճառի աշխատանքը։