Բավ է պառակտվել
11-05-2021 11:47

Վլադիմիր Գասպարյանի Սևանի առանձնատան ափամերձ շինություններից մի քանիսը հնարավոր է ապամոնտաժվեն

Թերթին հայտնի է դարձել, որ ՀՀ նախկին ոստիկանապետի առանձնատան հարակից որոշ շինություններ կարող են ապամոնտաժվել:

«Ժողովուրդ» թերթը գրում է, որ չափումներ են իրականացվում ՀՀ նախկին ոստիկանապետ Վլադիմիր Գասպարյանի առանձնատան տարածքում։ Պարբերականը նշում է, որ այստեղ շուտով կարող են ապամոնտաժվել մի շարք շինություններ:

Գասպարյանի առանձնատունը գտնվում է Սևանա լճի ափին, ավելի վաղ համապատասխան կառույցներն արդեն հայտնաբերել էին շինարարական նորմերի մի շարք խախտումներ: Այդ ժամանակ, 2020-ի սեպտեմբերին, ապամոնտաժվեցին մի քանի փոքր շինություններ: Թերթը նշում է, որ իրավիճակը կարող է կրկնվել:

Տարածքը, որտեղ կառուցվել է շքեղ առանձնատունը, գրանցված է Գասպարյանի զոքանչի՝ Հեղուշ Գալստյանի անունով: Շինությունը գտնվում է Սևանի արևելյան ափում՝ Ծիծեռնակ և Դրախտիկ գյուղերի միջև ընկած հատվածում: Առանձնատունը շրջապատված է երկու պարսպով, ներսում կա փոքրիկ մատուռ: Տարածքն առաջին անգամ կառուցապատվել է դեռևս 2004 թվականին:

Գասպարյանը զբաղեցրել է ոստիկանապետի պաշտոնը 2011-ից 2018 թվականներին: Նա այս պաշտոնը թողեց «Թավշյա հեղափոխությունից» և իշխանափոխությունից հետո:

Ավելի վաղ նրա դեմ հարուցվել էր քրեական գործ պաշտոնեական դիրքի չարաշահման, կեղծիքների և առանձնապես խոշոր չափերի հափշտակություն կատարելու մեղադրանքով, որի արդյունքում պետությանը պատճառվել էր 114 միլիոն դրամի (238 հազար դոլար) վնաս: Այս գործում ներգրավված է նաև ոստիկանության զորքերի նախկին հրամանատար Լևոն Երանոսյանը:

Վլադիմիր Գասպարյանին մեղադրանք է առաջադրվել
Սերժ Սարգսյանի եղբայրը փոխհատուցել է նախկին ոստիկանապետի հասցրած շուրջ 54մլն դրամի վնասը
Վլադիմիր Գասպարյանի և «Ազատության» լրագրողների միջև միջադեպի առթիվ հարուցվել է քրգործ
Եթե դավաճանություն չլիներ, հող չէր կարող հանձնվել. Վլադիմիր Գասպարյան
Նոր քրեական գործ է հարուցվել Հայաստանի նախկին ոստիկանապետի նկատմամբ