Բավ է պառակտվել
19-03-2022 13:31

Հայաստանի որոշ ավտոճանապարհներ փակ են, մի շարք շրջաններում մրրիկ է և ձնաբուք

Հայաստանի տարածքում շաբաթ օրը առավոտվա դրությամբ կան փակ և դժվարանցանելի ճանապարհներ։
Հանրապետության ԱԻՆ-ը հայտնում է, որ Փակ են Արագածոտնի մարզում «Ամբերդ» բարձր լեռնային օդերևութաբանական կայանից դեպի Ամբերդ ամրոց և Քարի լիճ տանող, Վարդենյաց լեռնանցքը, Բերդ-Ճամբարակ, Վանաձոր-Դիլիջան, (վատ տեսանելիության պատճառով), Վայոց ձորի մարզի Ջերմուկ-Գնդեվազ, Շիրակի մարզի Մեծ Սարիար, Կրաշեն, Լեռնուտ և Ջաջուռավան, Ամասիայի և Աշոցքի, Արագածոտնի մարզի Արագածի տարածաշրջանների միջհամայնքային, Թորոս գյուղից դեպի Ամասիա, Ցողամարգ գյուղից դեպի Բավրա տանող ավտոճանապարհները:
Վայոց ձորի մարզի Սարավան-«Զանգեր», Տավուշի մարզի Դիլիջանի ոլորաններից դեպի Բագրատաշեն ավտոճանապարհները փակ են միայն կցորդիչով բեռնատարների համար, մյուս տեսակի տրանսպորտային միջոցների համար՝ դժվարանցանելի։
Դժվարանցանելի են Սյունիքի մարզի բոլոր, Արագածոտնի մարզի Արագածի, Շիրակի մարզի Աշոցքի և Ամասիայի տարածաշրջանների, Ամասիա-Ողջի, Ամասիա-Կապս, Ալագյազ-Արթիկ, Ջաջուռ-Քեթի, Արարատի մարզի Լանջառ-Լուսաշող ավտոճանապարհները:
Սյունիքի մարզի Գորիս-Տաթև և Կապան-Տաթև ավտոճանապարհները կցորդիչով բեռնատարների համար անցանելի են միայն անվաշղթաների կիրառման դեպքում։
Արագածոտնի մարզի Ապարանի, Արագածի և Թալինի տարածաշրջանների ավտոճանապարհներին տեղ-տեղ առկա է մերկասառույց:
Գեղարքունիքի մարզում, Արագածոտնի մարզի Արագածի և Ապարանի, Շիրակի մարզի Աշոցքի, Արթիկի և Ամասիայի տարածաշրջաններում, Ջաջուռ-Քեթի, Վանաձոր-Դիլիջան, Ջերմուկ-Գնդեվազ, Հովունի-Ջաջուռ-Կապս-Քեթի ավտոճանապարհներին բուք է, իսկ Վայոց ձոր մարզի լեռնային գոտիներում՝ ձնաբուք:
Լոռու, Տավուշի մարզերում, Արագածոտնի մարզի Ապարանի և Արագածի տարածաշրջաններում, Սյունիքի մարզի Կապան, Քաջարան և Գորիս, Շիրակի մարզի Մարալիկ, Գեղարքունիքի մարզի Մարտունի քաղաքներում տեղում է ձյուն։

Վերին Լարսի մասին
Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը փակ է։ Ռուսական կողմում կա մոտ 350 բեռնատար ավտոմեքենա։

Հայաստանի շրջաններում կբացվեն նոր մանկապարտեզներ
Հայաստանի միջպետական ​​նշանակության ավտոճանապարհներից մեկի հատվածը փակ է ձնահյուսի պատճառով
Հայաստանում ՌԴ ԱԴԾ սահմանապահ վարչությունը պարզաբանել Իրանի հետ սահմանակից ավտոճանապարհին հսկողության ուժեղացման պատճառները
Անձրևների շրջանն ավարտվում է․ Հայաստանում սպասվում է մինչև 29 աստիճան տաքություն
Հայաստանում հայտնաբերվել է հազվագյուտ և փոքրաքանակ սառցային շրջանի վերապրուկ (Լուսանկարներ)