Ադրբեջանում հակահայկական քարոզչությունը շատ վտանգավոր, արմատական և նույնիսկ ֆաշիստական բնույթ է ստացել, ասել է Հայաստանի ՄԻՊ Քրիստինե Գրիգորյանը։
«Ուղիղ գնդակոծության վերջին դեպքերն, այս ահաբեկչական գործողությունները հիմնված են էթնիկ և կրոնական հողի վրա հայերի նկատմամբ ատելության, համակարգային վերահսկվող ատելության քաղաքականության դրսևորման վրա։ Միամտություն կլինի այս ամենը համարել դժբախտ պատահար»,- ասել է նա ուրբաթ օրը կայացած մամուլի ասուլիսում։
Գրիգորյանի խոսքով, Հայաստանի և Արցախի օմբուդսմենների և միջազգային կառույցների բազմաթիվ զեկույցներն, ինչպես նաև փաստագրված դեպքերը վկայում են, որ Ադրբեջանում հայատյացությունը համակարգային բնույթ է կրում։
«Ադրբեջանական հասարակությունը սնում են դրանով։ Դա հանգեցրեց մի քանի պատերազմների բռնկմանը: Խոսքը հատկապես վերաբերում է 2020 թվականի սեպտեմբերին սանձազերծված պատերազմին, որն ուղեկցվում էր թշնամանքի և ատելության լայնածավալ քարոզչությամբ», - ասել է օմբուդսմենը։