Բա՛վ է պառակտվել
18-07-2019 20:48

Ուժեղ պատիժ պետք է նախատեսվի անտառահատողների համար.ԲՆ Էրիկ Գրիգորյան

ՀՀ տարածքային կառավարման և ենթակառուցվածքների նախարար Սուրեն Պապիկյանը կառավարության այսօրվա նիստին հայտարարեց, որ այս պահի դրությամբ Տավուշի մարզում 200 հոգի կարող է աշխատանքի անցնել օրական 8000-15,000 դրամ վարձատրությամբ:
<<Նախօրեին Իջևանում ապօրինի անտառհատումների պահանջով բողոքի ակցիայի մասնակիցներին առաջարկվել է անցնել աշխատանքի: Այս շրջանում ինտենստիվ կերպով իրականցվում է ճանապարհաշինարարություն, աշխատուժի խնդիր կա: Մասնավորապես <<Արարատ ճանշինի>> հետ եղել է պայմանավորվածություն 200 հոգու մարզից աշխատանքի ընդունել, առաջարկը հնչել է մարզպետի կողմից, բայց չեն արձագանքել, ասել են՝ մի պահանջ ունեն», -նշեց նա։
Վարչապետը նկատեց, որ օրական նշված վարձատրությունը 1խմ վառելափայտի գինն է: 
<<Երկար տարիներ այս մարդիկ իրենց կոռուպցիոն կապերը գործադրելով փայտի բիզնեսով են եղել զբաղված: ԱԱԾ-ում քրեական գործ կա այս ցանցի վերաբերյալ, և ես չեմ բացառում, որ այս ակցիաներն ուղորդվում են հենց այստեղից>>,- հավելեց Փաշինյանը:

Շրջակա միջավայրի նախարար Էրիկ Գրիգորյանն էլ տեղեկացրեց, որ տասնյակ քրեական գործեր կան հարուցված այս պահին տարբեր անտառտնտեսություններում:
<<Վերջերս կադրային փոփոխություններ են եղել, այս ամենը փոխում է իրավիճակը: Սա Հայաստանի ընդհանուր կենսական նշանակության հարց է և ոչ միայն անտառի, քանի որ անտառի այս լայնածավալ հատումները, որը երկար տարիների ընթացքում եղել է և պատժի մեխանիզմները բավարար չեն եղել, բերում են այլ խնդիրներ՝ ջրերի, ոռոգման հետ կապված հարցերի», - ասաց նա:
Ըստ նախարարի՝ ամենայն խստությամբ հնարավորինս ուժեղ պատիժ պետք է նախատեսվի, քանի որ այստեղ խոսքը չի գնում գյուղացիների կարիքների համար անտառները կտրելուն, ինչպես տարիներ շարունակ ներկայացվում է:

 

Արմինե Գևորգյան

Սևանը թափվող հինգ գետ աղտոտված են կենսածին նյութերով․նախարար
Փաստաբան Հայկ Ալումյանը դատավոր Աննա Դանիբեկյանից պահանջեց դահլիճում պահպանել կոռեկտ մթնոլորտ
Քաղաքապետարանի հնգամյա ծրագրում նոր վերելակի մասին ոչինչ չկա․ Ավագանու անդամ
Դեկտեմբերից Վրաստան ներմուծվող մեքենաների մաքսազերծումը կիրականացվի Գյումրի մաքսատանը․ՊԵԿ նախագահ
Այն բիրտ ճնշումները, որ կան դատական համակարգի վրա, միջնադար է հիշեցնում։Աղվան Վարդանյան