Բավ է պառակտվել
31-03-2021 12:15

Զենք-զինամթերքի ապօրինի տեղափոխում Արցախից․ ազատազրկվել է 5 անձ

Հայաստանի Գլխավոր դատախազությունից տեղեկացնում են, որ Արցախից Հայաստան զենք-զինամթերքի ապօրինի ձեռքբերման և տեղափոխման համար դատապարտվել է հինգ անձ։

Մարտի 15-ի դրությամբ զենք-զինամթերքի ապօրինի ձեռբերման, յուրացման և տեղափոխման առնչությամբ հարուցվել է 95 քրեական գործ, որոնցի 27-ով վարույթը կարճվել է։ 63 քրեական գործով նախաքննությունը շարունակվում է:

Քրեական գործերով ձեռք բերված նյութերով պարզվել է, որ ապօրինի զենք-զինամթերքը ձեռք է բերվել Արցախի պաշտպանական տարբեր շրջաններից և կիրառվել կամ նախատեսված է եղել պատերազմի ընթացքում թշնամու դեմ օգտագործելու համար:

Մասնավորապես՝ հայտնաբերվել են «ԱԿ74», «ԱԿՄ», «ԱԿ-ՍՈւ» ինքնաձիգներ, գնդացիրներ, ատրճանակներ, սվին դանակներ, օպտիկական սարքերով հրազեններ, նռնականետեր, տարբեր տրամաչափի փամփուշտներ, նռնակներ, տրոտիլային խորանարդիկներ և այլն:
Դրանք ՀՀ տարածք են տեղափոխվել հիմնականում ավտոմեքենաներում թաքցված: Զգալի մասը հայտնաբերվել է Ստեփանակերտ-Գորիս ավտոճանապարհի տարբեր հատվածներում տեղակայված հսկիչ կետերի իրավապահների կողմից: Արդյունքւոմ, 39 անձ ներգրավվել է որպես մեղադրյալ: Նրանցից 9-ի նկատմամբ որպես խափանման միջոց է կիրառվել կալանավորումը, 26-ի նկատմամբ՝ չհեռանալու մասին ստորագրությունը, 2-ի նկատմամբ՝ գրավը, 2-ի նկատմամբ՝ հրամանատարության հսկողության հանձնելը:

4 քրեական գործ ուղարկվել է դատարան, 5 անձի նկատմամբ որպես պատիժ է նշանակվել ազատազրկումը 1, 2 և 4 տարի ժամկետով:

«Փարպեցի փողոցում ինձ պառկեցրին գետնին, ձեռնաշղթաներ հագցրին»․Նարեկ Մալյան
Զինծառայողները մեծ քանակությամբ զենք ու զինամթերք են հանձնել ՀՀ ԱԱԾ (տեսանյութ)
Կոչ ենք անում դադարեցնել զենքի մատակարարումը հանցավոր եռյակ դաշինքին. ԱՀ ԱԳՆ
ՊՆ-ն նախազգուշացրել է Արցախի դեմ ադրբեջանական բանակի կողմից օգտագործվող արգելված ֆոսֆորային զենքի հետևանքների մասին
Ադրբեջանի ԶՈւ-ն Հայաստանի Սյունիքի մարզում 3կմ առաջ է եկել