Հայաստանի ոստիկանությունը փորձել է հեռացնել Գորիս-Կապան ճանապարհին ադրբեջանական մաքսակետերի տեղադրման դեմ բողոքող ցուցարարներին կառավարության շենքի մոտից և թույլ չտալ, որ նրանք փակեն Տիգրան Մեծ պողոտան։ Դրանից հետո սկսվել են ձերբակալություններ։
Հայաստանի Անվտանգության խորհրդի քարտուղար Արմեն Գրիգորյանը նախօրեին ասել է, որ Գորիս-Կապան ավտոճանապարհին ադրբեջանցիները նոյեմբերի 11-ից մաքսակետեր են տեղադրելու։ Ընդդիմադիր «Հայաստան» խմբակցության պատգամավոր, ՀՅԴ ներկայացուցիչ Գեղամ Մանուկյանը հինգշաբթի օրը կայացած խորհրդակցության ժամանակ անմիջապես հայտարարեց կառավարության շենքի մոտ հրատապ հանրահավաքի մասին։
Մանուկյանը հանրահավաքում իր ելույթի ժամանակ մեղադրեց «վարչապետի պաշտոնը զբաղեցնողին» հայրենիքի շահերը դավաճանելու և «կապիտուլյացիայի» մեջ։ Նրա խոսքով, եթե այնքան ոստիկան, որքան հիմա կանգնած է շենքի մոտ և պահպանում է կառավարության անդամներին, կանգնեն Սյունիքի մարզում՝ ավտոճանապարհին, ապա ոչ ոք չէր համարձակվի մաքսակետեր տեղադրել Հայաստանի տարածքում։ Մանուկյանը Հայաստանի քաղաքացիների պարտքն է համարում իշխանություններից հաշիվ պահանջել «դավաճանության համար».
Նա «Հայաստան» խմբակցության մեկ այլ անդամ Աննա Գրիգորյանի հետ մտել է կառավարության շենք՝ իրենց հարցերի պատասխանը պահանջելու։