Բա՛վ է պառակտվել
11-11-2019 12:58

Գիշերային դանակահարություն Երևանում․ 65-ամյա կինը դանակով հարվածել է 27-ամյա տղամարդուն

Մայրաքաղաքի Էրեբունի և Նուբարաշեն վարչական շրջանների քննչական կոմիտեի քննչական բաժնում քննվող քրեական գործի շրջանակներում բացահայտվել է 1992 թվականին ծնված երիտասարդի դանակահարության դեպքը:

Նախնական տվյալներով, նոյեմբերի 8-ին, ժամը 05:40-ին ոստիկանության Էրեբունու բաժնում հաղորդում է ստացվել, որ “որովայնի առաջնային պատի աջ գոտկային շրջանի կտրած-ծակած վերք” ախտորոշմամբ էրեբունի բժշկական կենտրոն բուժօգնության է տեղափոխվել 1992թ․ծնված մի տղամարդ։

Դեպքի առթիվ ՀՀ ՔՕ 112-րդ հոդվածի 1-ին մասով (դիտավորությամբ առողջությանը ծանր վնաս պատճառելը) հարուցվել է քրեական գործ։

Հանցավոր արարքը կատարելու կասկածանքով նոյեմբերի 08-ին ոստիկանության բաժին բերման է ենթարկվել 1954թ. ծնված Երևան քաղաքի բնակչուհի, ով ներկայացրել է հանցագործության գործիք հանդիսացող դանակը: Նույն օրը քննիչի որոշմամբ 65-ամյա կինը ներգրավվել է որպես կասկածյալ, նրա նկատմամբ որպես խափանման միջոց է ընտրվել ստորագրություն չհեռանալու մասին:

Նախաքննության արդյունքներով պարզվել է, որ նոյեմբերի 8-ին ժամը 03։00-ի սահմաններում 1992թ ծնված քաղաքացին ընկերուհու նետ այցելել է 65-ամյա կնոջը։ Ալկոհոլի ազդեցության տակ, վիճաբանության ընթացքում հյուրերը հայհոյանքներ են հնչեցրել նրա հասցեին, ինչի պատճառով վերջինս վերցրել է խոհանոցային դանակը և մի քանի անգամ հարվածել երիտասարդին։ Նա վայր է ընկել դեմքով ներքև, որից հետո դիմել է փախուստի:

Կատարվել են մի շարք քննչական գործողություններ, այդ թվում՝ դեպքի վայրի զննություն, հարցաքննվել են մի շարք անձինք: Նշանակվել են դատաբժշկական, դատահետքաբանական փորձաքննություններ:

Նախաքննությունը շարունակվում է: Միջոցներ են ձեռնարկվում՝ դեպքի հանգամանքների օբյեկտիվ, լրիվ և բազմակողմանի քննությունն ապահովելու ուղղությամբ:

Երևանում ջրանցքում հայտնաբերվել է տղամարդու դի
Հայաստանում մտադիր են պարզեցնել հանրաքվեներ հրավիրելու գործընթացը
Այսուհետ Հայաստանի ոստիկանությունն իրավունք ունի գաղտնալսել հեռախոսային խոսակցությունները
Հայ ֆերմերներն արգելափակել են Երևան տանող ավտոճանապարհներն
Հայաստանի ԱԱԾ նախկին տնօրենի մարմնի արտաքին զննմամբ բռնության հետքեր չեն հայտնաբերվել