Երևանում բռնկվել է հերթական խոշոր հրդեհը։
Ինչպես տեղեկացրել է Երևանի ԱԻՆ-ը, հուլիսի 20-ին, ժամը 17։20-ի շրջակայքում, ծառայությունում ահազանգ է ստացվել Հրազդանի կիրճում գտնվող “Փարվանա” ռեստորանի մոտակայքում հրդեհի մասին։
Դեպքի վայր է մեկնել երեք մարտական հաշվարկ։
Ժամը 18։01-ին հայտարարվել է հրդեհի բարդության “Բիս-1” կանչ և դեպքի վայր է մեկնել ևս 1 հաշվարկ և Ճգնաժամային կառավարման ազգային կենտրոնի արտակարգ իրավիճակների արձագանքման խումբը:
Ժամը 19։25 դեպքի վայր է մեկնել նաև հատուկ նշանակության փրկարարական աշխատանքների իրականացման կենտրոնի ջոկատը։
Լրացուցիչ տեղեկությունները կտրամադրվեն ավելի ուշ։