Բավ է պառակտվել
03-01-2021 16:24

Շուռնուխի 12 տներից մեկը հաջողվեց պահել․ Մելիքսեթ Պողոսյանը Սյունիքում իրավիճակի մասին

Սյունիքի մարզպետ Մելիքսեթ Պողոսյանը խոսել է Շուռնուխ գյուղի շուրջ բանակցությունների մասին, ինչպես նաև մեկնաբանել իրավիճակը տարածաշրջանում:

Սյունիքի մարզի Շուռնուխ գյուղի տասնմեկ տուն մինչև հունվարի 5-ը կանցնեն ադրբեջանական կողմի վերահսկողության տակ: Այս մասին հայտնել է Սյունիքի մարզպետ Մելիքսեթ Պողոսյանը:

Ավելի վաղ Ադրբեջանի զինված ուժերի ներկայացուցիչները հայտնել էին, որ գյուղի մի մասը անցնում է իրենց վերահսկողության տակ, և այդ տների բնակիչները պետք է լքեն դրանք 24 ժամվա ընթացքում: Գյուղի բնակիչները մի քանի ժամով փակեցին Գորիս-Կապան մայրուղին՝ ի նշան բողոքի Հայաստանի իշխանությունների անգործության դեմ: Ռուսական կողմի միջնորդությամբ գյուղի այս կեսի բնակիչներին թույլատրվեց մնալ իրենց տներում մինչև հունվարի 2-3-ը:

Մինչդեռ ի սկզբանե խոսքը 12 տուն հանձնելու մասին էր:

«Մենք կարողացանք 12 տներից մեկը պահել, մնացած 11-ը մինչև հունվարի 5-ը պետք է փոխանցվեն թշնամուն: Այս պահին մենք տեղավորել ենք առանց ապաստանի մնացած 9 ընտանիք, մնացած ընտանիքները նույնպես կտեղավորվենք», - ասել է Պողոսյանը:

Նրա խոսքերով, հայկական կողմն ամեն ինչ արել է այդ տները պահպանելու համար: Քննարկվել են բոլոր հնարավոր փաստաթղթերը, բանակցություններն անցկացվել են ռուսական կողմի միջնորդությամբ:

Մարզպետը նշել է, որ պատրաստվում է մեկնել Շուռնուխ, որտեղ տեղադրվելու է երկու մոդուլային տուն: Հետագայում տներ կկառուցվեն բոլոր 12 ընտանիքի համար:

Նա նշել է, որ նախկինում Շուռնուխում կար 45 տուն, այժմ մնացել է 34-ը, այդ տներից մեկը գտնվում է Ադրբեջանի հետ սահմանից 100 մ հեռավորության վրա: Մարզպետը նշեց, որ այսօր սահմանը պաշտպանում են ոչ միայն հայ, այլեւ ռուս սահմանապահները:

Ինչ վերաբերում է մարզի մյուս համայնքներին, ապա Պողոսյանի խոսքով, այնտեղ իրավիճակը հանգիստ է: Հիմնական խնդիրը մնում է Կապան-Գորիս ճանապարհի այն հատվածը, որն հայտնվել է Ադրբեջանի զինված ուժերի վերահսկողության տակ:

Հիշեցնենք, որ իրավիճակը Հայաստանի Սյունիքի մարզում սրվեց այն բանից հետո, երբ պատերազմի արդյունքում Ղարաբաղի որոշ շրջաններ անցան Ադրբեջանի վերահսկողության տակ: Դրանից հետո սկսվեց Ադրբեջանի հետ սահմանի սահմանազատման գործընթացը, ինչը ծայրահեղ դժգոհություն առաջացրեց սահմանամերձ բնակավայրերի բնակիչների շրջանում: Սյունիքում սկսվեցին բողոքի ցույցեր, քաղաքացիները փակել են ճանապարհները՝ պահանջելով լուծել սահմանների և ապօրինի սահմանազատման խնդիրը, ինչի հետևանքով նրանք զրկվում են իրենց իրավունքներից, տներից և անվտանգությունից: Իրավիճակը հատկապես սրվեց Կապան-Գորիս ճանապարհահատվածի, ինչպես նաև մի քանի գյուղի, այդ թվում ` Դավիթ-Բեկի և Շուռնուխի պատճառով:

Դեկտեմբերի 18-ին, ժողովրդին ուղղված տեսաուղերձի ժամանակ, ՀՀ վարչապետ Նիկոլ Փաշինյանը, մեկնաբանելով իրավիճակը Սյունիքում, նշեց, որ հանրապետությունը վերադառնում է միջազգայնորեն ճանաչված սահմաններին: Կառավարության ղեկավարի խոսքով՝ այս ամենն արվում է Սյունիքում անվտանգությունն ապահովելու համար:

Հայաստանի պաշտպանության փոխնախարարը Սյունիքում իրավիճակի մասին․ Կապանում դիրք թողնելու մասին խոսք չկա
«Հունան Պողոսյանը հրաժարականի դիմում է ներկայացրել՝ սպասում է Կառավարության որոշմանը». Խորհրդական
Սեպտեմբերի 12-ից Հայաստանում արտակարգ իրավիճակից հետո կարանտին կհայտարարվի.
Պաշտպանության նախարարությունը ներկայացրել է իրավիճակը Սյունիքի մարզում
Շուռնուխում 11 տուն անցել է Ադրբեջանի հսկողության տակ․ Սյունիքի փոխմարզպետ