հաղթելուենք
13-08-2019 11:41

Օմբուդսմենը մտադիր է հասնել Ադրբեջանում հայտնված հայ զինվորականի իրավունքնեի պաշտպանությանը

Ադրբեջանի տարածքում հայտնված հայ զինվորական Արայիկ Ղազարյանի իրավունքների պաշտպանության երաշխավորման հարցով Հայաստանի Օմբուդսմեն Արման Թաթոյանը հեռախոսազրույց է ունեցել Կարմիր Խաչի միջազգային կազմակերպության (ԿԽՄԿ) հայաստանյան պատվիրակության ղեկավար Քլեր Մեյթրոյի հետ։

Ինչպես տեղեկացրել է Մարդու իրավունքների պաշտպանության գրասենյակի մամլո ծառայությունը, Մեյրթրոն տեղեկացրել է Թաթոյանին, որ ԿԽՄԿ ներկայացուցիչները դեռևս չեն տեսակցել Ղազարյանին, սակայն հարցը գտնվում է կազմակերպության ուշադրության կենտրոնում։

Հայաստանի օմբուդսմենի գրասենյակը կապի մեջ է նաև Ղազարյանի ընտանիքի անդամների հետ։

“Զինծառայողի իրավունքների երաշխավորման, այդ թվում՝ առողջական վիճակի հետ կապված հարցերով Թաթոյանը կդիմի միջազգային համապատասխան կառույցներին”,-նշվել է հայտարարությունում։
Նախօրեին Արցախի պաշտպանության նախարարությունը հաղորդել է, որ օգոստոսի 12-ին սահմանի հարավ-արևելյան հատվածում 2000թ․ծնված զինծառայող Արայիկ Ղազարյանը լքել է զորամասի տարածքը։ Ըստ ադրբեջանական լրատվամիջոցների տարածած տեղեկատվության, զինծառայողը գտնվում է նրանց մոտ։
Գործի հանգամանքները պարզելու նպատակով տարվում է քննություն։

ԿԽՄԿ ներկայացուցիչներն Ադրբեջանում այցելել են հայ զինծառայող Արայիկ Ղազարյանին
Օդային իրադրության մասին շրջանառվող տեղեկությունը իրականությանը չի համապատասխանում. ՊՆ մամուլի խոսնակ
Ներքին համոզմունք ունեմ, որ մեր զինվորը աշխարհագրորեն մոլորվել է.ՊՆ Դավիթ Տոնոյան
Հայաստանն արտոնություններ և անձեռնմխելիություն է տվել ԿԽՄԿ աշխատակիցներին
ՌԴ-ն հույս ունի, որ ՀՀ և Ադրբեջանի սահմանին իրավիճակը կկարգավորվի հնարավորինս արագ. Պեսկով