հաղթելուենք
16-09-2020 18:18

Թշնամու կրակոցից պայմանագրային զինծառայող է մահացել

Վերջին օրերին հայ-ադրբեջանական պետական սահմանագոտու հյուսիսարևելյան հատվածում ադրբեջանական կողմը ցուցաբերել է ակտիվություն և փորձել ձեռնարկել ամրաշինական աշխատանքներ՝ նպաստելով առաջնագծում լարվածության աճին։ Այս մասին տեղեկանում ենք ՊՆ պաշտոնական կայքէջից։

«Հակառակորդի ակտիվությունը ճնշելու և հետագա սրացումները կանխելու նպատակով ՀՀ ԶՈւ առաջապահ ստորաբաժանումները ստիպված են եղել ձեռնարկել համապատասխան գործողություններ:

Հակառակորդի հերթական սադրանքի հետևանքով սեպտեմբերի 16-ին հյուսիսարևելյան հատվածում տեղակայված զորամասերից մեկի մարտական դիրքում մահացու հրազենային և բեկորային վնասվածքներ է ստացել պայմանագրային զինծառայող, կրտսեր սերժանտ Հովիկ Նելսոնի Թամազյանը։

Դեպքի մանրամասները պարզելու համար կատարվում է քննություն:

Հայաստանի Հանրապետության պաշտպանության նախարարությունը կիսում է կորստյան ծանր վիշտը և զորակցություն հայտնում զոհված զինծառայողի ընտանիքի անդամներին, հարազատներին և ծառայակիցներին:

Ստեղծված իրավիճակի և սահմանային լարվածության աճի ամբողջ պատասխանատվությունը կրում է Ադրբեջանի ռազմաքաղաքական ղեկավարությունը»,- ասված է ՊՆ տարածած հաղորդագրության մեջ։

Հակառակորդի կրակոցից սահմանին պայմանագրային զինծառայող է զոհվել
Արցախում դեռևս չպարզված հանգամանքներում մահացել են երկու զինծառայող
Պայմանագրային զինծառայող Գեղամ Խաչատրյանը զոհվել է
Արցախում հակառակորդի կրակոցից ծանր վիրավորվել է 22 -ամյա զինծառայող
Հակառակորդի կրակոցից հրազենային վիրավորում է ստացել ՊԲ զինծառայող