Բա՛վ է պառակտվել
13-07-2019 17:05

Հայաստանի երեխաներին պետք է պատրաստել ապրելու և ստեղծագործելու հզոր երկրում․ Փաշինյան (լուսանկարներ)

Հայաստանի երեխաներին, առաջին հերթին, պետք է պատրաստել ապրելու և ստեղծագործեու հզոր արդյունաբերական երկրում, ասել է վարչապետ Նիկոլ Փաշինյանը տիկնոջ՝ Աննա Հակոբյանի հետ Լոռու մարզի “Հայաստանի մանուկներ” բարեգործական հիմնադրամի (ՔՈԱՖ) ՍՄԱՐԹ կենտրոն կատարած այցելության ժամանակ։

Նրա խոսքով, յուրաքանչյուր երեխա պետք է հավատա ինքն իրեն, հավատա, որ կարող է դառնալ ինժեներ, գիտնական։ “Տեխնոլոգիական իրականության համար կարևոր է ունենալ զարգացած արվեստ, գրականություն։ Խոսելով տեխնոլոգիական երկրի մասին, պետք է հասկանալ, որ արդյունաբերությանը էներգիա են հաղորդում մշակույթը, արվեստը․Մենք պետք է այս ճանապարհով քայլ առ քայլ վստահ առաջ շարժվենք”,- ասել է Փաշինյանը։

Վարչապետը տիկնոջ հետ շրջայց է կատարել ՍՄԱՐԹ կենտրոնով՝ ծանոթանալով գյուղաբնակ երեխաներին ու մեծահասակներին առաջարկվող դասընթացներին՝ երաժշտություն, պար, նկարչություն, ակտիվ քաղաքացիություն, լեզուներ, ծրագրավորում, ռոբոտիկա և այլն։

 

Պատասխանելով կենտրոնում սովորողների հարցերին, Փաշինյանը նշել է, որ վաղուց էր ծրագրում այցելել կենտրոն և ուրախ է այսօրվա առիթի համար: Նա շնորհակալություն է հայտնել “Հայաստանի մանուկներ” հիմնադրամի ղեկավար Կարո Արմենին կատարված աշխատանքի համար: 

ՍՄԱՐԹ կենտրոնը գործում է Լոռու մարզի Դեբեդ գյուղում 2018 թվականի մայիսից, կենտրոնում ներդրված է 6մլն․դոլար։ Կենտրոնի նպատակն է զարգացնել տեղական ռեսուրսները և ստեղծել հնարավորություններ համայնքներում դրանց օգտագործման համար: Այնտեղ ստեղծված է ոչ ֆորմալ ուսուցման միջավայր, հավասար և համաչափ հնարավորություններ են ապահովված շրջակա գյուղերի երեք տարեկանից բարձր երեխաների, պատանիների աղջիկների և մեծահասակների համար

ՍՄԱՐԹ կենտրոնի հայեցակարգը հիմնված է չորս սկզբունքների վրա` նորարարություն և ստեղծագործականությունը, լեզու և հաղորդակցություն, ձեռներեցություն և տեղական տնտեսական զարգացում, ակտիվ քաղաքացիություն և անձնային զարգացում։

Տեղեկատվական տեխնոլոգիաները և օտար լեզուն ՍՄԱՐԹ ծրագրերի և ուսուցման նյութերի հիմքում են։ Ռոբոտիկայի ու ծրագրավորման ոլորտում ՍՄԱՐԹ-ի տարածաշրջանային բացառիկ գործընկերն է ձեռնարկությունների ռեսուրսների կառավարման ավտոմատացված SAP ընկերության Next-Gen լաբորատորիան։ ՍՄԱՐԹ ավանն ունի նաև հյուրատուն՝ հրավիրված մասնագետներին ու զբոսաշրջիկներին հյուրընկալելու համար։

Վլադիմիր Գասպարյանին մեղադրանք է առաջադրվել
Քոչարյանը կմնա կալանքի տակ (Լուսանկարներ, տեսանյութ)
Սա Հայաստանի Հանրապետության պատմության մեջ ամենախայտառակ քրեական գործն է։ Ռոբերտ Քոչարյան
Կարևորը,որ նախագահը ազատության մեջ լինի.Սեյրան Օհանյան (Լուսանկարներ, տեսանյութ)
Հայաստանի պարտապան զինծառայողներն արտոնություններ կստանան