Բա՛վ է պառակտվել
08-08-2019 10:54

Փաշինյանը հայտնել է զբոսաշրջիկների թվի տպավորիչ աճի մասին

Առաջին 6 ամսվա ընթացքում արձանագրվել է Հայաստան ժամանած զբոսաշրջիկների տպավորիչ աճ, գրել է վարչապետ Նիկոլ Փաշինյանն իր ֆեյսբուքյան էջում։

Մասնովորապես, ըստ նրա, զբոսաշրջիկների թիվը Գերմանիայից աճել է 59 տոկոսով, Չինաստանից ժամանածներինը՝ 53.5 տոկոսով, Նիդեռլանդներից ժամանածներինը՝ 34.9 տոկոսով, Շվեյցարիայից ժամանածներինը՝ 30 տոկոսով, ԱՄԷ-ից ժամանածնեորինը՝ 29.7 տոկոսով, Հունաստանից ժամանածներինը՝ 29 տոկոսով, Իտալիայից ժամանածներինը՝ 24.4 տոկոսով, Մեծ Բրիտանիայից ժամանածներինը՝ 22.9 տոկոսով, Ճապոնիայից ժամանածներինը՝ 22.2 տոկոսով, Ռուսաստանից ժամանածներինը՝ 19 տոկոսով, Շվեդիայից ժամանածներինը՝ 19 տոկոսով, ԱՄՆ-ից ժամանածներինը՝ 15 տոկոսով։
Ինչպես նշել է Փաշինյանն՝ ընդհանուր առմամբ առաջին կիսամյակում զբոսաշրջության ոլորտում գրանցվել է 12.8 տոկոս աճ: Նա հավելել է, որ ԿԲ հաշվարկներով այս տարի նախորդ տարվա համեմատ զբոսաշրջիկները Հայաստանում ծախսել են մոտ 120 միլիոն դոլար ավել գումար:
“Հայաստանի յուրաքանչյուր քաղաքացի կարող է այս գումարից իր բաժինն ունենալու հայտ ներկայացնել”,-ասել է վարչապետը:
Փաշինյանը հիշեցրել է, որ շատ կարևոր է զբոսաշրջիկներին մատուցել պատշաճ մակարդակի ծառայություններ, որպեսզի նրանք լավ տպավորություններով հեռանան Հայաստանից և բարձրացնեն մեր երկրի ճանաչելիությունն ու իմիջը ողջ աշխարհում։
Ազգային վիճակագրական կոմիտեի տվյալներով՝ հունվար-հունիս ամիսներին Հայաստան է այցելել ընդհանուր առմամբ 770 055 զբոսաշրջիկ։ Միաժամանակ, հաշվետու ժամանակաշրջանում Հայաստանից մեկնել է 684 808 զբոսաշրջիկ։

Կտրուկ ավելացել է Հայաստանից Ռուսաստան արտագաղթողների թիվը
Սա Հայաստանի Հանրապետության պատմության մեջ ամենախայտառակ քրեական գործն է։ Ռոբերտ Քոչարյան
Կարևորը,որ նախագահը ազատության մեջ լինի.Սեյրան Օհանյան (Լուսանկարներ, տեսանյութ)
Հայաստանի պարտապան զինծառայողներն արտոնություններ կստանան
Անցյալով լի սունդուկը․ Գաղթած Տիկին Թամարայի հուշերը Ճալեթ գյուղի մասին (Լուսանկարներ)