Նիկոլ Փաշինյանին հաջողվեց հասնել «Զվարթնոց» օդանավակայան ու մեկնել Մոսկվա: Այս մասին հայտարարել է ցուցարարներից մեկը՝ հավելելով, որ եթե վարչապետը Մոսկվայում ստորագրի որևէ փաստաթուղթ, ապա նրա համար Հայաստանի օդային տարածքը կփակվի:
«Նիկոլ Փաշինյանը ոչ լեգիտիմ առաջնորդ է, նա չի ներկայացնում Հայաստանը, իսկ վաղը նրա ստորագրած փաստաթղթերը իրավական ուժ չեն ունենա», - ասաց նա:
Դրանից հետո ընդդիմությունը հայտարարեց, որ ավարտում է բողոքի ակցիան և բացում դեպի «Զվարթնոց» օդանավակայան տանող ճանապարհը:
Հիշեցնենք, որ ընդդիմությունը հունվարի 11-ի առավոտյան ակցիա էր կազմակերպել` թույլ չտալու Հայաստանի կառավարության ղեկավարին մեկնել Մոսկվա, որտեղ նա մտադիր է եռակողմ բանակցություններ վարել Ռուսաստանի և Ադրբեջանի նախագահների` Վլադիմիր Պուտինի և Իլհամ Ալիևի մասնակցությամբ:
Կողմերը կքննարկեն Ղարաբաղի շուրջ իրավիճակն, ինչպես նաև գերիների վերադարձի և տրանսպորտային հաղորդակցությունների ապաարգելափակման հարցերը: Փաշինյանի ընդդիմախոսները կարծում են, որ հանդիպմանը կստորագրվի երկրի շահերը ոտնահարող որոշակի փաստաթուղթ: