Բավ է պառակտվել
01-02-2023 14:32

15 զինծառայողի մահվան պատճառ դարձած հրդեհի գործով քրեական հետապնդում է հարուցվել սպայի նկատմամբ, ով ավտոբենզին է լցրել վառարանի մեջ

Հայաստանի գլխավոր դատախազությունը հայտնում է, որ Ազատ գյուղում տեղակայված զինվորական կացարանում 15 զինծառայողի մահվան պատճառ դարձած հրդեհի քրգործով հանրային քրեական հետապնդում է հարուցվել N զորամասի ինժեներական ծառայության սպա, կապիտան Ե.Հ.-ի նկատմամբ։

Գերատեսչության տվյալներով՝ կապիտան Ե.Հ.-ն Ազատ գյուղում տեղակայված ինժեներասակրավորային վաշտի անձնակազմի համար նախատեսված կացարանում շահագործվող վառարանը վառելու նպատակով սեփական նախաձեռնությամբ, կացարանի հարակից տարածքում բացազատված ավտոհավաքակայանից վերցրել է տրանսպորտային միջոցների մեկնարկիչները գործի գցելու համար հատկացված՝ 5 լիտր տարողությամբ ավտոբենզինով լցված տասը հատ պլաստմասե տարաներից մեկը, վերադարձել է կացարան և վառարանը վառել ավտոբենզինով: Արդյունքում կացարանում բռնկվել է հրդեհ: