Նախօրեին հայ փրկարարները Հայաստանի տարբեր մարզերում ձյան մեջ արգելափակված ավտովարորդներին և նրանց ուղևորներին օգնելու 18 ահազանգ են ստացել։
«Ձյան գերությունից» դուրս է բերվել 147 մեքենա, օգնություն է ցուցաբերվել 279 քաղաքացու։
Նման իրավիճակ է, մասնավորապես, ստեղծվել Ապարանի և Արագածի (Արագածոտն), Ջերմուկի (Վայոց Ձոր) շրջաններում, Մարմաշեն, Շիրակ (Շիրակի մարզ), Վերին Խոտանան, Սառնակութ (Սյունիք) համայնքներում, ինչպես նաև Թալին-Կարմրաշեն, Զառ-Զովաշեն, Աշոցք-Թավշուտ, Սիսիան-Վայք, Սիսիան-Գորիս, Գետափ-Մարտունի, Սոթք-Մեծ Մասրիկ և Արտաշատ-Այգավան ճանապարհներին:
