Հիդրոօդերևութաբանության և մոնիտորինգի կենտրոնը ներկայացրել է առաջիկա մի քանի օրերի եղանակի կանխատեսումը Հայաստանում։
Ապրիլի 23-24-ը, 25-ի գիշերը և 26-27-ը սպասվում է առանց տեղումների եղանակ, իսկ ապրիլի 25-ին առանձին շրջաններում կեսօրից հետո սպասվում է կարճատև անձրև և ամպրոպ։
Քամին՝ հարավ-արևմտյան՝ մինչև 2-5 մ/վրկ, ամպրոպի ժամանակ հնարավոր է քամու ուժգնացում՝ 15-20 մ/վրկ։
Օդի ջերմաստիճանը ապրիլի 23-24-ին ցերեկայի ժամերին աստիճանաբար կբարձրանա 2-3 աստիճանով։
Առաջիկա հինգ օրերին Երևանում կլինի առանց տեղումների եղանակ։Շաբաթ օրը ցերեկը մայրաքաղաքում սպասվում է 26-28 աստիճան տաքություն, իսկ առաջիկա չորս օրերին ջերմաստիճանը կտատանվի 25-29 աստիճանի սահմաններում։