Հայաստանում հարցվածների 97,4%-ն անընդունելի է համարում Արցախի բնակչությանը Ադրբեջանի կազմում ազգային փոքրամասնության կարգավիճակ տալը։ Այս մասին հայտնել է «GALLUP International Association»-ի հայաստանյան ներկայացուցչության ղեկավար Արամ Նավասարդյանը՝ ներկայացնելով հարցման արդյունքները։
Նա ասել է, որ 94,2%-ը նշել է, որ նման կարգավիճակն ընդհանրապես ընդունելի չէ, 3,2 տոկոսն էլ գտել է, որ այդ տարբերակն ավելի շուտ ընդունելի չէ։
Նավասարդյանը նշել է, որ 2022 թվականի նոյեմբերից այս ցուցանիշն աճել է. այն ժամանակ 89,3 տոկոսն անընդունելի էր համարում նման քայլը։
Հունվարի 17-ից 24-ը Հայաստանում անցկացված հեռախոսային հարցմանը մասնակցել է 1100 անձ։