Բավ է պառակտվել
20-01-2021 13:35

«Կառավարության մոտեցումն ընդունելի չէ. Պետք է հրապարակվի Ադրբեջանում գտնվող հայ գերիների թիվը․ ՄԻՊ

Իրավունքի գերակայությունը ենթադրում է հանրային նշանակության ցանկացած տվյալի հրապարակման կանխավարկած. որևէ տվյալի հրապարակում մերժելիս պետությունը պետք է ցույց տա՝ ի՞նչ իրավաչափ շահ է դրանով հետապնդում, այս մասին հայտարարություն է տարածել ՀՀ մարդու իրավունքների պաշտպան Արման Թաթոյանը։

«Պետության մերժման որոշումը պետք է լինի պատճառաբանված:

Ադրբեջանում պահվող հայկական կողմի գերիների վերաբերյալ թվական տվյալներ չհրապարակելը կառավարույթունը պատճառաբանել է ընդամենը նշումով այն մասին, որ հարցն ունի գերզգայուն բնույթ Սա ընդունելի մոտեցում չէ:
Իրականում, Ադրբեջանում պահվող հայկական կողմի գերիների թվի հրապարակմամբ առնվազն՝

1) հնարավորություն կառաջանա զգալիորեն մեծացնել միջազգային ճնշումն Ադրբեջանի նկատմամբ գերիների ազատ արձակման ու վերադարձի հարցով,
2) առաջ կգան Ադրբեջանի նկատմամբ լրացուցիչ պարտավորություններ դնելու հիմքեր,
3) կբարձրանա Ադրբեջանում պահվող գերիների պաշտպանության աստիճանը,
4) հրապարակայնորեն կընդգծվի պետության հարգանքը գերիների ու նրանց ընտանիքների իրավունքների նկատմամբ,
5) հրապարակայներոն կընդգծվի պետության պատասխանատու վերաբերմունքը հանրային կարևորության այս հարցի նկատմամբ,
6) վերջապես, պետության այդ քայլով կբացառվի կամ էականորեն կնվազեցվի հանրությանը կեղծ տեղեկություններով մոլորեցնելու ու հետևաբար՝ շահարկում իրականացնելու որևէ կողմի փորձ:
Հետևաբար, ՀՀ պետական իրավասու մարմինը պետք է հրապարակի հայկական կողմի գերիների այն թիվը, որոնք իր տրամադրության ներքո առկա տվյալների համաձայն կամ իր համոզմամբ՝ ներկայում պահվում են Ադրբեջանում գերության մեջ», - նշել է ՀՀ ՄԻՊ-ը։

Ադրբեջանը արհեստական ձգձգում է գերիների վերադարձը․ ՄԻՊ
ԱԱԾ-ն ձերբակալել է անձի, որը անհետ կորած զինվորի հորից 15 հազար դոլար էր պահանջում (տեսանյութ)
Ռուսաստանը երկարաձգել է Հայաստանի քաղաքացիենրի մուտքի թույլտվությունը
Գեղարքունիքի մարզպետի տեղակալ գեներալ-մայոր Մուրադյանը հեռանում է պաշտոնից, միանում ԶՈՒ ԳՇ-ին
Ավտովթարից վախճանվել է Ջրվեժի Սբ. Կաթողիկե եկեղեցու հոգևոր հովիվ Տեր Կյուրեղ քահանա Տալյանը