Հայաստանի ոստիկանությունը հրապարակել է արտահերթ խորհրդարանական ընտրությունների ընտրողների ընդհանուր թիվը։
ԻՒնչպես տեղեկացրել է գերատեսչության մամլո ծառայությունը, համաձայն Հայաստանի Ընտրական օրենսգրքի, Ազգային ժողովի նախօրեին Ոստիկանությունը հրապարակում է ռեգիստրում ընդգրկված ընտրողների ընդհանուր թիվը, նշելով նաև ըստ գտնվելու վայրի ընտրողների և հաշվառում չունեցող ընտրողների ոստիկանության աշխատակիցների, ընտրատեղամասեր գործուղված անձանց, բուժհիմնարկներում ստացիոնար բուժում ստացողների թիվը:
Դեկտեմբերի 8- դրությամբ ռեգիստրում ընդգրկված Հայաստանի ընտրողների ընդհանուր թիվը կազմում է 2 573 779։
Նրանցից՝ գտնվելու վայրի ընտրողների և ընտրատեղամասերում ընտրական հանձնաժողովների անդամների ընդհանուր թիվը կազմում է 12.549, Հայաստանում հաշվառում չունեցող ընտրողների թիվը`206, ընտրատեղամասերում ոստիկանների թիվը՝ 480, բժշկական հաստատություններում ստացիոնար բուժում ստացողների թիվը՝ 844 մարդ:
Ազգային վիճակագրական կոմիտեի տվյալներով, Հայաստանի մշտական բնակչությունը 2018 թվականի հոկտեմբերի 1-ի դրությամբ կազմել է 2,969.2 հազար մարդ:
Դեկտեմբերի 9-ին Հայաստանում տեղի կունենան խորհրդարանական ընտրություններ, որոնց մասնակցում է 11 կուսակցություն և դաշինք: