Բավ է պառակտվել
10-11-2022 17:58

Հայաստանի ոստիկանությունը ստուգում է սոցիալական ցանցերը՝ բացահայտելու թմրամիջոցների ապօրինի շրջանառության ուղիները

Հայաստանի քրեական ոստիկանության կազմում ստեղծվել է նոր վարչություն, որի հիմնական գործառույթն է սոցցանցերում և տեղեկատվական հարթակներում ապօրինի թմրաշրջանառության դեպքերի կանխումն ու բացահայտումը։

Ինչպես տեղեկացնում է ՀՀ Ոստիկանության մամլո ծառայությունը, գերատեսչության ղեկավար Վահե Ղազարյանը Հայաստանում Իրանի դեսպան Աբբաս Բադախշան Զոհուրիի հետ հանդիպանը պատմել է նոր ստորաբաժանման աշխատանքի, մասնավորապես՝ թմրաշրջանառության դեմ պայքարի մասին։

Ղազարյան շեշտել է, որ այդ վարչության կազմում նախատեսվում է ստեղծել բաժանմունք, որը տեղակայված կլինի Մեղրիում (Հայաստանի հարավ, Իրանի հետ սահմանակից)։

Դեսպան Զոհուրին իր հերթին ողջունել է Մեղրիում թմրամիջոցների դեմ պայքարի ոստիկանության մասնագիտացված բաժանմունքի ստեղծումը, որն էլ ավելի կբարձրացնի անվտանգության մակարդակը սահմանին։

Նա հայտնել է իրանական կողմի աջակցությունն այս ուղղությամբ եւ խոսել թմրամիջոցների ու ահաբեկչության դեմ Իրանի իրավապահ մարմինների պայքարի մասին։

Հանդիպմանը քննարկվել են նաև համագործակցության ընդլայնման ու փոխադարձ հետաքրքրություն ներկայացնող այլ հարցեր։

Հայաստանի ոստիկանությունը հայտնել է, որ քարոզարշավի ընթացքում արձանագրվել է ընտրախախտումների 92 դեպք
Այսուհետ Հայաստանի ոստիկանությունն իրավունք ունի գաղտնալսել հեռախոսային խոսակցությունները
Հայաստանի խոշոր սուպերմարկետների ցանցերը թուրքական ապրանքները հանում են վաճառքից
Հայաստանի ռազմական ոստիկանությունը կուսումնասիրի Սյունիքում ադրբեջանական զինված ուժերի մասնակցությամբ միջադեպը
Նշանակվել են Հայաստանի Ոստիկանության և ԱԱԾ նոր ղեկավարներ