Ոստիկանության աշխատակիցները քիչ առաջ բերման են ենթարկել “Ադեկվատ” հասարակական ծարժման հիմնադիր Արթուր Դանիելյանին։
Ինչպես տեղեկացրել է “Նովոստի-Արմենիա” գործակալությանը շարժման համակարգող Լիլիթ Թումանյանը, Դանիելյանը բերման է ենթարկվել գրասենյակից նախօրեին մամլո ասուլիսին արված հայտարարության կապակցությամբ։
“Նախօրեին մամլո ասուլիսի ժամանակ Դանիելյանը դատապարտել է իշխանությունների կողմից արձագանքի բացակայությունը ակտիվիստ Ջիվան Գասպարյանի՝ Արցախի նախագահ Բակո Սահակյանի “գլուխը ցխելու” սպառնալիքին։ Այս կապակցությամբ Դանիելյանը, որպես օրինակ, այլ ոչ՝ սպառնալիք, ասել է, որ մի օր էլ անձամբ կարող է նման հայտարարություն անել վարչապետ Նիկոլ Փաշինյանի հասցեին։ Իրավապահ մարմինների այս քայլը մենք համարում ենք երկակի ստանդարտների դրսևորում և օրենքի ընտրողական կիրառում”,- ասել է նա։
Թումանյանն անթույլատրելի է անվանել այն փաստը, որ իրավապահ մարմիններն անտեսել են Գասպարյանի հայտարարությունն, իսկ Դանիելյանին բերման են ենթարկել ձեռնաշղթաներով։
“Օրենքների այսպիսի ընտրողական կիրառումը գործող իշխանությունների կողմից անընդունելի է, և որքան էլ որ նրանք փորձում են այդ ամենն այլ լույսի ներքո ներկայացնել, դա ակնհայտ քաղաքական հետապնդում է”– ընդգծել է նա։
Նախօրեին մամլո ասուլիսում “Ադեկվադ” հասարակական կազմակերպության անդամներ Արթուր Դանիելյանը և Լիլիթ Թումանյանը մեղադրել են Հայաստանի ոստիկանությունն ապատեղեկատվության և հասարակական կարծիքի մանիպուլյացիաների համար “Ադեկվադ”–ի անդամ Ազատ Ադամյանի վրա հարձակման տեղեկության հերքման կապակցությամբ։
Ավելի վաղ՝ հունիսի լույս 9-ի գիշերն “Ադեկվատ” ընդդիմադիր շարժումը հայտնել էր իրենց 11 ակտիվիստի ձերբակալության մասին։ Հաղորդման մեջ նշվել էր, որ օրեր առաջ վարչապետը սպառնալիքներ է հնչեցրել սևազգեստ մարդկանց հասցեին, և ահազանգը կարող էր պայմանավորված լինել «Ադեկվադ»–ների վերջերս կազմակերպված ակցիայով՝ սև շապիկներով երթով։