Հարուցվել է քրեական գործ այս գիշեր Երևանի Մալաթիա-Սեբաստիա համայնքում դանակահարության փաստի առթիվ, հայտնում է ՀՀ քննչական կոմիտեն։
Ահազանգը Տիչինայի փողոցի ռեստորաններից մեկի մոտ միջադեպի մասին, որի ընթացքում չորս մարդ է դանակահարվել, ստացվել է Ժամը 00։25-ի սահմանում։
Պարզվել է, որ Շերամի փողոցից «Աստղիկ» բժշկական կենտրոն է տեղափոխվել ծակած-կտրած վիրավորումով երեք տղամարդ։
Ձեռնարկված քննչական և դատավարական այլ գործողությունների, ինչպես նաև՝ ՀՀ ոստիկանության աշխատակիցների հետ համատեղ իրականացված միջոցառումների արդյունքում պարզվել է ենթադրյալ հանցագործություն կատարած անձի ինքնությունը, ով Երևան քաղաքի բնակիչ է ՝ 41 տարեկան:
Հարուցվել է քրեական գործ՝ ՀՀ Քրեական օրենսգրքի 112 հոդվածի 2-րդ մասի հատկանիշներով (երկու կամ ավելի անձանց նկատմամբ դիտավորությամբ առողջությանը ծանր վնաս պատճառելը)։ նախաքննությունը շարունակվում է։ Ձեռնարկվումն են միջոցառումներ՝ դեպքի բոլոր հանգամանքները պարզելու ուղղությամբ։
Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: