Բավ է պառակտվել
02-12-2020 17:19

ՌԴ դեսպանատունն արձագանքել է հայ գերիների վերադարձի հարցում աջակցելու վերաբերյալ արվեստագետների նամակին

Հայ ռազմագերիների վերադարձի հարցում աջակցելու կոչով արվեստագետների՝ ՀՀ-ում ՌԴ-ի, Ֆրանսիայի և ԱՄՆ-ի դեսպանատներ ուղղված նամակներին արձագանքել է Ռուսաստանի Դաշնության դեսպանատունը՝ նշելով, որ հարցը գտնվում է երկրի բարձրագույն ղեկավարության ուշադրության կենտրոնում:

«Արմենպրես»-ի թղթակցի հետ զրույցում ՀՀ ժողովրդական արտիստ Հրանտ Թոխատյանը, ով ակտիվ մասնակցում է նամակների միջոցով հարցի բարձրաձայնմանն ուղղված նախաձեռնություններին, ասաց, որ մյուս դեսպանատներից դեռ արձագանք չկա:

Արվեստագետները դիմել են նաև Կարմիր Խաչի միջազգային կոմիտեի հայաստանյան գրասենյակ և հանդիպել են գրասենյակի հաղորդակցման ծրագրերի ղեկավար Զառա Ամատունու հետ: Ամատունին հավաստիացրել է, որ մինչ արվեստագետների դիմելն էլ իրենք զբաղվել են այդ խնդրով:

Ավելի վաղ «Արմենպրես»-ի թղթակցի հետ զրույցում Ամատունին տեղեկացրել էր, որ Կարմիր խաչի միջազգային կոմիտեն որպես չեզոք կառույց աջակցում է Լեռնային Ղարաբաղի հակամարտության կողմերին համաձայնության գալ գերիների փոխանակման հարցում: «Հոկտեմբերից մեր կազմակերպությունն այցելում է քաղաքացիական անձանց և զինվորականների: Կան մարդիկ, որոնք անազատության մեջ են և իրավունք ունեն կապ պահել իրենց հարազատների հետ. մենք նրանց աջակցում ենք այդ հարցում, հետևում ենք նրանց առողջական վիճակին, սակայն նրանց վերադարձման որոշումները կայացնում են հակամարտության կողմերը»,-նշել էր Ամատունին:

ՌԴ մի խումբ քաղաքացիներ դեսպանից պահանջում են լուծել իրենց խնդիրը․ անժամկետ բողոքի ակցիա ՌԴ դեսպանատան դիմաց
44 գերիները հայրենիքում են
Հայաստանից ՌԴ տեղափոխվել է 3186 քաղաքացի
Ռուսական կողմի միջնորդությամբ հայկական կողմին են փոխանցվել երեք հայ գերիներ
Ռազմագերիների հարցը մտնում է փակուղի. ունենք հաստատված 120 ռազմագերի, իսկ ոչ հաստատված թիվն անհամեմատ մեծ է. Սահակյան