Անհայտ անձը հայտնել է Մոսկվայի Օստանկինո աշտարակի շենքի «ականապատման» մասին, ինչի արդյունքում գրեթե 70 մարդ է տարհանվել։ Այս մասին ՏԱՍՍ-ին հայտնել է արտակարգ ծառայություններում իր աղբյուրը։
«Անհայտ անձից անանուն հաղորդագրություն է ստացվել, որ Օստանկինո աշտարակի շենքը ականապատված է, ընթանում է տարհանում, այս պահին շենքը լքել է 66 մարդ»,- ասել է գործակալության աղբյուրը։
Նա հավելել է, որ տեղեկատվությունը ստուգելու համար սպասում են կինոլոգների ժամանմանը։
Հինգշաբթի ավելի վաղ անհայտ անձանցից անանուն հաղորդագրություն էր ստացվել, որ մայրաքաղաքի բոլոր շրջանային դատարաններն ականապատված են։ Պայթյունի սպառնալիքի մասին տեղեկություն են ստացել նաև Մոսկվայի բոլոր դատական շրջանները։ Ստուգման ընթացքում պարզվել է, որ այդ տեղեկությունը կեղծ է։ Բացի այդ, անանուն հաղորդագրություն է ստացվել «Շերեմետևո» օդանավակայանում պայթյունի սպառնալիքի մասին։ Կինոլոգները կստուգեն շենքը և տարածքը՝ պայթուցիկ սարքերի առկայությունը պարզելու համար։ Օդանավակայանն աշխատում է բնականոն ռեժիմով, սակայն անվտանգության միջոցառումներն ուժեղացվել են։
Փետրվարի 10-ին ԱԴԾ-ն հայտարարեց ինտերնետ համայնքների 14 անդամների ձերբակալության մասին, որոնք ներգրավված էին ականապատումների մասին կանխամտածված կեղծ հաղորդագրությունների տարածման մեջ: Այս համայնքների կազմակերպիչն ու ադմինիստրատորը Ուկրաինայի քաղաքացի Անտոն Օսիպչուկն էր։