Հայաստանի ներքին գործերի նախարարությունը մանրամասներ է ներկայացրել Գեղարքունիքի մարզի Ազատ գյուղի տարածքում տեղակայված զորամասում բռնկված հրդեհի մասին։
«Հրդեհի մասին ահազանգը Ճգնաժամային արձագանքման ազգային կենտրոնում ստացվել է ժամը 01.15-ին, դեպքի վայր են մեկնել երեք մարտական հաշվարկ և մարզային փրկարարական վարչության օպերատիվ խումբը։ Հրդեհը մեկուսացվել է ժամը 02.58-ին, մարվել՝ 06.33-ին։ Ամբողջությամբ այրվել է շինությունը (մոտ 104 քմ)։
Նշվում է, որ ինժեներասակրավորային վաշտի կացարանի շենքից դուրս է բերվել 15 դի, երեք տուժած տարբեր աստիճանի այրվածքներով տեղափոխվել են Վարդենիսի բժշկական կենտրոն։