Բրյուսովի անվան համալսարանը սեր է. Այս կարգախոսով Հանրապետության հրապարակում ՀՀ կառավարության շենքի մոտ ընթանում է Բրյուսովի անվան պետական համալսարանի ուսանողների բողոքի ակցիան։
Կազմակերպիչներից մեկի խոսքով՝ պայմանավորվածություն է ձեռք բերվել, որ վեց հոգուց բաղկացած պատվիրակությանը թույլ կտան մտնել կառավարության շենք՝ բանակցությունների համար, որի արդյունքները կներկայացվեն ավելի ուշ։
«Կամք, պայքար, հաղթանակ»,- վանկարկում են ուսանողները։
Հոկտեմբերի 6-ին կրթության, գիտության, մշակույթի և սպորտի նախարար Վահրամ Դումանյանը հայտարարեց, որ շրջանառվում է Բրյուսովի անվան համալսարանն ու Հայաստանի Ֆիզիկական կուլտուրայի և սպորտի պետական ինստիտուտը Աբովյանի անվան Հայկական պետական մանկավարժական համալսարանի հետ միավորելու նախագիծ։
Բրյուսովի անվան պետական համալսարանի ուսանողները պարբերաբար բողոքի ակցիաներ են անցկացնում ընդդեմ նման միավորման։