ՀՀ կառավարության այսօրվա նիստում ընդունված որոշման համաձայն՝ կառավարության պահուստային ֆոնդից հատկացվեց 902 մլն դրամ՝ 2015 թվականի նոյեմբեր ամսին ուժեղ քամիների հետևանքով համայնքներին հասցված վնասների հետևանքները վերացնելու նպատակով:
Կառավարության նիստում ՀՀ տարածքային կառավարման և արտակարգ իրավիճակների նախարար Արմեն Երիցյանը նշեց, որ մարզպետներին հանձնարարել է՝ ավելի կոնկրետ ուսումնասիրել վնասները և արդյունքները ներկայացնել կառավարություն:
ՀՀ վարչապետ Հովիկ Աբրահամյանն էլ խնդրին առնչվող բոլոր գերատեսչությունների ուշադրությունը հրավիրեց այս հարցի շուրջ՝ աշխատանքներն արագ կազմակերպելու համար: «Ինքս ականատես եմ եղել Արագածոտնի մարզում և տեսել, որ կան դպրոցներ, բնակելի շենքեր, որոնց տանիքները լիովին չկան: Իմ կարծիքով, պետք է այս նախագծով նաև առաջարկվի, որ թույլտվություն տանք մի աղբյուրից գնումները կատարել, որպեսզի կարողանան արագ շինարարություն իրականացնել: Եթե գնան մրցութային ընթացակարգով, 2 ամսում մրցույթ անցկացվի, ապա անիմաստ կլինի: Բայց այստեղ, ես տեսնում եմ և իմ մտահոգությունն է, որ թվերն իրականությանը չեն համապատասխանում: Մենք Նախագահի հետ քննարկել ենք այս հարցը և որոշում ենք կայացրել, որ աջակցենք: Բայց նաև դա պետք է լինի օբյեկտիվ, հիմնավոր»,- ընդգծեց վարչապետը: Հովիկ Աբրահամյանը հանձնարարեց ստեղծել հանձնաժողով, 2-3 օրվա ընթացքում ունենալ աշխատանքային խմբեր, լինել մարզերում, համայնքներում, ճշտել թվերը ու դրան զուգահեռ շինաշխատանքներն իրականացնել:
Բավ է պառակտվել