Բա՛վ է տառակտվել
15-03-2019 13:56

Շարունակվում են Երևանի Օպերայի շենքի տարածքում գտնվող սրճարանների ապամոնտաժման աշխատանքները․ցույցերը դադարել են

Ուրբաթ օրը Երևանի կենտրոնում գտնվող Օպերային թատրոնի շրջակայքում վերսկսվել են այնտեղ գտնվող սրճարանների ապամոնտաժման աշխատանքները։

Ոստիկանության աշխատակիցները շրջափակել են ամբողջ տարածքը, որպեսզի կանխեն տեխնիկայի՝ շինությունների մնացորդները հեռացման աշխատանքներին միջամտելու ցանկացած փորձը։

Արդեն նախկին սրճարանների տարածքում, մասնավորապես, ապամոնտաժվում են մետաղական կոնստրուկցիաները, տարվում են հիմքի թուլացման աշխատանքներ։

Նախօրեին սրճարաններից մեկի սեփականատերերը հայտարարել են ապամոնտաժման հետ իրենց համաձայնության մասին: Այս պահին այլ սրճարանների ղեկավարները չեն դժգոհում կատարվող աշխատանքներից, ավելին՝ համագործակցում են բանվորների հետ:

Ինչպես ավելի վաղ նշել է “Կենտրոն” համայնքի թաղապետ Վիկտոր Մնացականյանը, ապամոնտաժման աշխատանքները կտևեն 10 օր։

Օպերային թատրոնի շենքի մոտ գտնվող սրճարանների ապամոնտաժումը սկսվել է մարտի 13-ին և սկզբում հարուցել է սեփականատերերի դժգոհությունը, ինչը հանգեցրել է իրավապահ մարմինների աշխատակիցների հետ բախումների:

Հինգշաբթի առավոտյան Մաշտոցի պողոտայի և Թումանյան փողոցի խաչմերուկում լարված իրավիճակ է ստեղծվել. ապամոնտաժման դեմ ցույցի մասնակիցները փորձել են փակել Մաշտոցի պողոտան, իսկ իրավապահները նրանց դուրս են բերել ճանապարհի երթևեկելի մասից: Օրվա ընթացքում պարբերաբար տեղի ունեցած բախումների հետևանքով վնասվածք են ստացել երկու ոստիկան և երկու ցուցարար: Մոտ երկու տասնյակ մարդ ձերբակալվել է, բայց հետագայում ազատ արձակվել: