Վերին Լարսի անցակետը բաց է բոլոր տիպի տրանսպորտային միջոցների համար։ Այս մասին երկուշաբթի առավոտվա դրությամբ հայտնում են Հայաստանի ՆԳՆ Փրկարար ծառայությունից։ Այս անցակետով է անցնում Հայաստանի և Ռուսաստանի միջև միակ ցամաքային ճանապարհը։
Գերատեսչության տվյալներով՝ Հայաստանում բաց են բոլոր ճանապարհները, բացառությամբ Արագածոտնի մարզում «Ամբերդ» բարձր լեռնային օդերևութաբանական կայանից դեպի Ամբերդ ամրոց և Քարի լիճ տանող ավտոճանապարհների։
Արագածոտնի մարզում և Եղվարդ, Աբովյան քաղաքներում տեղ-տեղ մերկասառույց է, Արարատի մարզում` մառախուղ:
