Երևանում ցուցարարները փակել են մայրաքաղաքի կենտրոնական հրապարակներից մեկը՝ Ֆրանսիայի հրապարակը և այնտեղ տեղադրել Արցախի դրոշը։
«Հայաստան» ընդդիմադիր խմբակցությունից Հայաստանի խորհրդարանի փոխխոսնակ Իշխան Սաղաթելյանն ասաց, որ ընդդիմության պայքարը երկարատև է լինելու. Նա ասաց, որ հրապարակը մեկ ժամով փակ է լինելու, և այս քայլը կլինի խաղաղ բողոքի ու անհնազանդության առաջին ակցիան։
«Այսօր Ֆրանսիայի հրապարակի կենտրոնում մենք միասին կբարձրացնենք Արցախի դրոշը, սա կլինի մեր պայքարի սկիզբը, մենք պայքարում ենք հանուն Արցախի դրոշի, հանուն եռագույնի, հանուն մեր միասնության և վաղվա հաղթանակի»,- ասաց նա։
Ավելի վաղ ցուցարարները հայտարարություն էին տարածել, որում նշել էին այն հիմնարար սկզբունքները, որոնց վրա հիմնվելու է իրենց պայքարը։