Հայաստանում ձերբակալվել է N զորամասի սպա, ով, ըստ ԱԱԾ-ի, արտասահմանյան հատուկ ծառայություններին գաղտնի տեղեկատվություն է փոխանցել», մասնավորապես՝ Հնդկաստանից գնված զենքի մասին։
Գերատեսչությունից հայտնում են, որ ՀՀ քաղաքացի, ՊՆ N զորամասի կոչումով կապիտան սպան 2021 թվականի սկզբից հայտնվել է օտարերկրյա հատուկ ծառայությունների ուշադրության կենտրոնում և հավաքագրվել նրանց կողմից։
Այլ զորամաս տեղափոխվելուց և ծառայություններից մեկի պետ նշանակվելուց հետո նա շարունակել է համագործակցել օտարերկրյա հետախուզական ծառայության հետ և սոցիալական ցանցերի միջոցով փոխանցել պետական և ծառայողական գաղտնիք կազմող ռազմական բնագավառի տեղեկություններ, մասնավորապես՝ իրենց ստորաբաժանման պահպանության ներքո գտնվող սպառազինության, զինատեսակների, քանակի, մարտական դիրքի տեղակայման վայրի վերաբերյալ տեղեկություններ և այլ տվյալներ՝ լուսանկարներով ցուցադրել է սպառազինությունը և զինատեսակների քանակը, այդ թվում՝ Հնդկաստանից ձեռք բերված ռազմական տեխնիկայի վերաբերյալ։
Որպես վարձատրություն՝ քաղաքացին օտարերկրյա հատուկ ծառայության ներկայացուցչից 2 անգամ տարբեր օրերի ընթացքում ստացել է գումար և բջջային հեռախոս՝ այդ կերպ կատարելով պետական դավաճանություն՝ ի վնաս Հայաստանի Հանրապետության տարածքային անձեռնմխելիության և արտաքին անվտանգության:
Քրեական գործի շրջանակներում կատարվել են խուզարկություններ, նշված սպային մեղադրանք է առաջադրվել, դատարանի որոշմամբ նա կալանավորվել է։