Բավ է պառակտվել
12-07-2019 14:19

Քննիչ հանձնաժողովի արդյունքները պետք է լինեն անհերքելի. Անդրանիկ Քոչարյան

«2016 թվականի ապրիլին ծավալված ռազմական գործողությունների հանգամանքները ուսումնասիրող քննիչ հանձնաժողովի աշխատանքներն ամռան շրջանում և աշնան սկզբին կլինեն գերհագեցած», -այսօր լրագրողների հետ հանդիպմանն ասաց ՀՀ ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը։
«Հանձնաժողովն ըստ էության անցել է առաջին նախապատրաստական փուլը: Քննիչ հանձնաժողովը մեզնից բավականին մեծ ուժեր է տանելու, որովհետև այս հանձնաժողովի արդյունքները հասարակության համար պետք է լինեն անհերքելի, պետք է կառուցված լինեն միայն ճիշտ փաստերի վրա»,- ասաց Քոչարյանը:
Վերջինս ընդգծեց՝ հանձնաժողովի աշխատանքները հաճախ կարող են հասանելի չլինել լրատվամիջոցների համար, մինչդեռ նկատեց, որ ԶԼՄ-ներին պարբերաբար տեղյակ կպահվի, թե ինչ քայլեր են կատարվում հանձնաժողովում։
Հիշեցնենք,որ մայիսի 30-ին իշխանական խմբակցության 47 պատգամավորների ստորագրությամբ ստեղծվեց 2016-ի ապրիլյան պատերազմի հանգամանքներն ուսումնասիրող քննիչ հանձնաժողով, որը բաղկացած է 11 պատգամավորից: Հանձնաժողովը, մասնավորապես, կուսումնասիրի Զինված ուժերի ապահովման, թիկունքային սպառազինության, մարտական պատրաստության, մարտական հերթապահության կանոնների կատարման, զորքերի համալրման, զորքերի ծառայության, հետախուզական գործունեության հետ կապված հարցեր:

Արմինե Գևորգյան

Երբ կհրապարակվի ապրիլյան քննիչ հանձանաժողվի զեկույցը
Զինվորականներից շատերը իրենք են անհամբերությամբ սպասում՝ երբ են կանչվելու քննիչ հանձնաժողով․ Անդրանիկ Քոչարյան
Կհրավիրվի՞ ապրիլյան հանձնաժողով Նիկոլ Փաշինյանը
Եթե ապրիլյան հանձնաժողովի նպատակը շոուներ չեն, ապա Փաշինյանը պետք է պատասխան տա
Քաղաքացիները ձվերով հարվածեցին Անդրանիկ Քոչարյանին (տեսանյութ)