Ռուսական կողմը լռության ռեժիմ է հայտարարել և մարդասիրական միջանցքներ բացել Մարիուպոլի և Վոլնովախայի բնակիչների հեռանալու համար։
Այս մասին շաբաթ օրը լրագրողներին հայտնել են ՌԴ պաշտպանության նախարարությունից։
«Այսօր՝ մարտի 5-ին, Մոսկվայի ժամանակով ժամը 10։00-ից ռուսական կողմը հայտարարում է լռության ռեժիմ և մարդասիրական միջանցքներ է բացում Մարիուպոլից և Վոլնովախայից խաղաղ բնակիչների դուրս գալու համար»,- հայտնել են գերատեսչությունից։
ՌԴ պաշտպանության նախարարությունը նշել է, որ հումանիտար միջանցքներն ու ելքի ուղիները համաձայնեցվել են ուկրաինական կողմի հետ։