Բավ է պառակտվել
29-03-2021 13:28

Ձկնորսները Հայաստանում կարող են աշխատել պետական կազմակերպություններում և աշխատավարձ ստանալ

Այս տարի իջեցվել է Սևանա լճում սիգի որսի թույլատրվող չափաքանակը։ 2020թ առավելագույն ծավաը 300 տոննայի սահմաններում էր, այս տարի սահմանվել է 250տ։

Հայաստանի շրջակա միջավայրի նախարարությունը նախատեսում է ստեղծել ձկնորսների պետական կազմակերպություն՝ ձկան որսի նկատմամբ առավելագույն հսկողություն սահմանելու նպատակով։ Այս մասին ասել է մամլո ասուլիսում Շրջակա միջավայրի նախարարության Բնության հատուկ պահպանվող տարածքների և կենսաբազմազանության քաղաքականության վարչության պետ Ոսկեհատ Գրիգորյանը։
«Ձկնորսները կարող են աշխատավարձ ստանալ կազմակերպությունում , ունենալ կայուն աշխատանք և եկամուտ, ձկան որսն էլ ավելի համակարգված կլինի։ Մենք նախատեսում ենք իրականացնել ծրագիրը մոտ ժամանակներս, կսկսենք մշակել այն այս տարվա սեպտեմբերից հետո»,- նշել է Գրիգորյանը։

Նա նաև հայտնել է, որ այս տարի իջեցվել է Սևանա լճում սիգի որսի թույլատրվող չափաքանակը։

«2020 թվականին որսի համար սահմանված առավելագույն չափաքանակը 300 տոննան է եղել, կնքվել էր 55 պայմանագիր 236 տոննա որսի թույլտվությամբ, բայց փաստացի իրականացվել է 204 տոննա սիգի որս։ Ամփոփելով 2020թ․ տվյալները նախարարությունը որոշել է այս տարի սահմանել 250տ չափաքանակ»,- ասել է պաշտոնյան։

Ձկնորսության համար կգործեն 2020 թվականի նույն պահանջներն, ավելացել է միայն ժամային գրաֆիկը։ Ձկնորսներին կթույլատրվի ձուկ որսալ միայն հատուկ ելք ու մուտքով 15 տեղամասերից։

Որսը պետք է իրականացվի ափից 500 մետր հեռավորության վրա և 40 մմ–ից ոչ բարակ ցանցով` մանրաձկան որսը բացառելու համար։ Ավելի մանր ցանցերի օգտագործումն, արտահանումը և արտադրությունն արգելված է Հայաստանում ԵԱՏՄ ռեգլամենտի համաձայն։ Արգելված է 400գ քաշից փոքր սիգի որսը։

Նշենք, որ 2019 թվականին իրականացված ձկնային պաշարների գնահատման արդյունքում պարզվել է, որ Սևանա լճում առկա է մոտ 2600 տոննա սիգ, որոնցից սեռական հասունության փուլում է մոտ 600 տոննան: Ելնելով դրանից՝ ՀՀ Գիտությունների ազգային ակադեմիայի ձկնաբանության և հիդրոէկոլոգիայի ինստիտուտը խորհուրդ է տվել որսի չափաքանակը սահմանել տարեկան մոտ 200 տոննա։

Հայաստանի ԶՈւ բարձրաստիճան սպա մեղադրվել է պետական դավաճանության մեջ (տեսանյութ)
Հայաստանը պետք է անհապաղ կահավորի Ադրբեջանի հետ պետական սահմանագիծը․ հետախույզ Վովա Վարդանով
Ռուսերենը Արցախում կստանա պետական կարգավիճակ
Ի՞նչ անել աշխատավարձերի հետ, երբ գները բարձրանում են. Հայաստանում հիշեցրել են «մեռած» օրենքի մասին
Այսուհետ պետական դավաճանությունը Հայաստանում պատժվելու է ցմահ ազատազրկմամբ