Երևանի ընդհանուր իրավասության դատարանը՝ դատավոր Աննա Դանիբեկյանի գլխավորությամբ, քիչ առաջ հրապարակեց Մարտի 1-ի գործով առանցքային մեղադրյալ Ռոբերտ Քոչարյանի խափանման միջոցի հարցով որոշումը: Վերջինս ևս դատարանում էր։
Ըստ որոշման՝ դատարանը մերժել է փաստաբանների միջնորդությունը, և Ռոբերտ Քոչարյանը կմնա կալանքի տակ։
Ներկա էին նաև գործով մյուս մեղադրյալները՝ Յուրի Խաչատուրովը, Արմեն Գևորգյանը և Սեյրան Օհանյանը։
Սեպտեմբերի 12-ին վերսկսվել էր Հայաստանի երկրորդ նախագահի և մյուսների գործով դատավարությունը:
Քոչարյանի փաստաբանները միջնորդություն էին ներկայացրել՝ կալանքից ազատ արձակել իրենց պաշտպանյալին՝ հիմնվելով Սահմանադրական դատարանի սեպտեմբերի 4-ին հրապարակված որոշման վրա։
Արմինե Գևորգյան