«Ռոսիա» ավիաընկերության (Աերոֆլոտ խումբ) երթուղային ցանցի նոր ուղղություն է բացում Վոլգոգրադից Երևան՝ Ռուսաստանի Դաշնությունից Հայաստան ավիաընկերության թռիչքների լայնածավալ ծրագրի մշակման շրջանակում։ Հուլիսի 23-ից թռիչքները նախատեսվում են շաբաթական երկու անգամ, հայտնում է ավիաընկերության մամուլի ծառայությունը։
«Ռոսիա»-ն ընդլայնում է թռիչքների աշխարհագրությունը և բացում նոր միջազգային ուղղություններ՝ զարգացնելով օդային հաղորդակցությունը բարեկամ երկրների հետ։ Վոլգոգրադը դարձել է Ռուսաստանի վեցերորդ քաղաքը, որտեղից ավիաընկերությունը ուղիղ կանոնավոր չվերթներ է իրականացնում դեպի Հայաստանի մայրաքաղաք։ Այժմ կարելի է Երևան մեկնել Վոլգոգրադից, Եկատերինբուրգից, Միներալնիե Վոդիից, Մոսկվայից, Սամարայից և Սոչիից։
Ռուսաստանի Դաշնության հարավային քաղաքներից թռիչքների սահմանափակումների վերացումից և ժամանակավոր փակ օդանավակայանների աշխատանքի վերսկսումից հետո «Ռոսիա»-ն պատրաստ է ուղևորներին թռիչքներ առաջարկել Հայաստանի մայրաքաղաք Վորոնեժից, Կրասնոդարից և Դոնի Ռոստովից։
Չվացուցակի համաձայն՝ Վոլգոգրադ-Երևան-Վոլգոգրադ երթուղով չվերթները կիրականացվեն հինգշաբթի և շաբաթ օրերին։ SU/FV 6945 չվերթը Վոլգոգրադից կմեկնի 16:45-ին և Երևան կժամանի 21:35-ին: SU/FV 6946 հետադարձ չվերթի մեկնում՝ 22:25, ժամանում՝ 0:30-ին տեղական ժամանակով յուրաքանչյուր օդանավակայանի համար:
Ռուսաստանից Երևան թռիչքների համար ավիաընկերությունը շահագործում է հայրենական արտադրության երկու դասի ինքնաթիռներ։Superjet 100 ինքնաթիռում նստատեղերի ընդհանուր թիվը 87 է, որից 12-ը բիզնես դասի են, 75-ը՝ էկոնոմ։
«Ռոսիա» ավիաընկերությունը «Աերոֆլոտ» խմբի կազմում է, երկրորդ փոխադրողն է Ռուսաստանի Դաշնությունում օդանավերի նավատորմի քանակով և տեղական արտադրության օդանավերի խոշորագույն շահագործողը: Ներկայումս ավիաընկերությունն ունի 128 ինքնաթիռ, որից 71-ը՝ Superjet 100 (RRJ-95): 2021 թվականի վերջին ավիաընկերությունը հայտնվեց ԹՈՓ-100 ընկերությունների՝ երկրի լավագույն գործատուների ցանկում ըստ HeadHunter առցանց հավաքագրման հարթակի: «Ռոսիա» ավիաընկերությունը Պուլկովո (Սանկտ Պետերբուրգ), Շերեմետևո (Մոսկվա), Կրասնոյարսկ և Սոչի օդանավակայանների բազային փոխադրողն է։